गोवा विधानसभा निवडणुक 2022चे मतदान चार दिवसांवरती येऊन उभे ठाकलेले असताना महाराष्ट्राचे पर्यावरणमंत्री तथा शिवसेना नेते आदित्य ठाकरे (Aditya Thackeray) शुक्रवारपासून दोन दिवसांच्या गोवा दौऱ्यावर येत आहेत. या दौऱ्यात ठाकरे वास्को (Vasco), पेडणे (Pernem), साखळी (Sanquelim) येथे सभा घेऊन शिवसेनेच्या उमेदवारांचा प्रचार करणार आहेत. (Aaditya Thackeray Visit Goa tomorrow)
शुक्रवारी दुपारी 2.30 वाजता आदित्य ठाकरेंचे दाबोळी विमानतळावर आगमन होणार आहे. दुपारी 3 वाजता ते वास्को येथील सभेला संबोधित करणार आहेत. तर, सायंकाळी 5.15 वाजता पेडणे येथील सभेला संबोधित करतील.
शनिवारी सकाळी 11.30 वाजता पत्रकार परिषद घेऊन आदित्य ठाकरे पत्रकारांशी संवाद साधतील. त्यानंतर दुपारी 2 वाजता त्यांची साखळीत सभा होणार आहे. तर सायंकाळी 4 ते 4.30 या वेळेत ते म्हापसा (Mapusa) बाजारपेठ परिसरात घरोघरी भेट देऊन प्रचार करतील.
या दरम्यान, गेल्या अनेक वर्षांपासून शिवसेना गोवा विधानसभा निवडणूक (Goa Assembly Election) लढवत आहे. यावेळी शिवसेना आणि राष्ट्रवादी काँग्रेस (Nationalist Congress) या दोन्ही पक्षांनी निवडणूकपूर्व युती केली असून, शिवसेनेने पेडणे, शिवोली, म्हापसा, साखळी, मांद्रे, हळदोणा, पर्ये, वाळपई, वास्को, केपे आणि कुठ्ठाळी या 11 मतदारसंघांत उमेदवार उतरवले आहेत. शिवसेनेने पणजीतही उमेदवार दिला होता. पण, पणजीतून माघार घेऊन अपक्ष म्हणून निवडणूक लढवत असलेल्या माजी मुख्यमंत्री स्व. मनोहर पर्रीकर (Manohar Parrikar) यांचे सुपूत्र उत्पल पर्रीकर (Utpal Parrikar) यांना पाठिंबा जाहीर केला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
