Lairai Jatra: जत्रा पार पडली, आता स्वच्छतेचे आव्हान! शिरगावात कचऱ्याचे ढीग, पंचायतीसमोर प्रश्नचिन्ह

Lairai Jatra Shirgao: शिरगावच्या श्री लईराई देवीची जत्रा पार पडली. या जत्रोत्सवानंतर आता शिरगावसमोर ''मिशन चकाचक'' चे आव्हान निर्माण झाले आहे.
Lairai Jatra Shirgao
Lairai Jatra Shirgao:Dainik Gomantak
Published on
Updated on

डिचोली: शिरगावच्या श्री लईराई देवीची जत्रा पार पडली. या जत्रोत्सवानंतर आता शिरगावसमोर ''मिशन चकाचक'' चे आव्हान निर्माण झाले आहे. दरवर्षीप्रमाणे यंदाही जत्रा काळात शिरगावात प्रचंड प्रमाणात प्लास्टिक आदी कचरा निर्माण झाला असून विविध ठिकाणी विखुरलेला कचरा हटवून गाव ‘चकाचक’ करण्याचे स्थानिक पंचायतीसमोर आव्हान आहे. हा प्रचंड कचरा हटविण्याचा पंचायतीवर ताण येणार आहे.

शिरगावच्या श्री लईराई देवीची जत्रा ही सर्वात मोठी जत्रा म्हणून ओळखण्यात येत आहे. या जत्रेला लहान-सहान मिळून दरवर्षी दुकानांची मोठी फेरी भरत असते. त्यातील बहूतेक दुकानांमधून चार ते पाच दिवस व्यवसाय चालत असतो. यंदा फेरीत पाचशेहून अधिक दुकाने थाटण्यात आली होती.

Lairai Jatra Shirgao
Shirgao Lairai Jatra: कडक पोलिस बंदोबस्तात पार पडला श्री लईराई देवीचा कौलोत्सव

जत्रेनिमित्त धोंड मिळून लाखो भाविक शिरगावात येतात. त्यामुळे खाद्यपदार्थ आणि अन्य वस्तूंची मोठ्या प्रमाणात खरेदी होत असते. साहजिकच जत्रा काळात प्रचंड प्रमाणात कचरा साचत असतो. यंदाही शिरगावात सर्वत्र कचऱ्याचे साम्राज्य पसरलेले आहे. जत्रेनंतर चार दिवस साजरा झालेल्या कौलोत्सवामुळे कचरा हटविण्याचे काम करणे अडचणीचे बनले होते.

Lairai Jatra Shirgao
Shirgao: जत्रोत्‍सवात दुर्घटना घडली, खाणींमुळे भविष्य अंधारमय! शिरगावातील ऱ्हास हे मोठे नुकसान; गोवा फाउंडेशन

चार-पाच टन कचरा

जत्रा काळात यंदा गावात सर्वत्र मोठ्या प्रमाणात कचरा साचला आहे. वडाचावाडा परिसरात तर मोकाट गुरे कचऱ्यावर ताव मारताना दिसून येत आहे. यंदा शिरगावात किमान चार ते पाच टन कचरा संकलित होण्याचा अंदाज आहे. आता कधी एकदाची कचरा हटाव मोहीम राबविण्यात येते, त्याकडे जनतेचे लक्ष लागून राहिले आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com