सावईवेरे: सावईवेरे परिसरातील शिमगोत्सवास गेल्या नवमी पासून प्रारंभ झाला असून शिमगोत्सवाची समाप्ती शुक्रवार दि. 18 रोजी होलिकोत्सव व धुलीवंदनाने होणार आहे.यानिमित्त शुक्रवारी नवमी उत्सव पार पडला. या दिवशी रात्री 10 वाजता माडक - कावंगाळ येथील 'मांड' येथील तुळशीवृंदावन प्रांगणात धार्मिक कार्यक्रमांनी उत्सवास प्रारंभ झाला. तेथून ढोल-ताशांच्या गजरात मेळास प्रारंभ झाला.
गावातील मेळ 11 वाजता सातेरी देवस्थानच्या प्रांगणात आल्यानंतर मंडपात सचित पालकर यांच्या गाऱ्हाण्याचा कार्यक्रम पार पडला. श्री सातेरी देवीस आरत्या व तीर्थप्रसाद वाटप झाल्यानंतर परंपरागत जोत म्हणण्यात आली व तेथून ढोल-ताशांच्या गजरात सर्व ग्रामस्थ श्री अनंत देवस्थानच्या मंडपात एकत्र आले. श्रींच्या आरती व तीर्थप्रसादाने नवमीची सांगता झाली. नवमीपासून शिमगोत्सव सुरू झाला असून गावात रोज रात्री मेळ फिरणार आहेत. बुधवारी म्हार्दोळ शिमगोत्सवात येथील मेळाचा सहभाग असेल. गुरुवारी सावईवेऱ्यात पौर्णिमेचा सोहळा होईल.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
