Shenaz Treasurywala: रस्त्यावर घालवले 18 दिवस! भारत पाकिस्तान तणावाच्या काळात अभिनेत्री अडकली गोव्यात, पडली आजारी

पणजी: भारत आणि पाकिस्तान यांच्यातील तणावाच्या पार्श्वभूमीवर देशात नागरी विमान उड्डाणांवर बंधने घालण्यात आली होती. अनेक विमानतळ देखील बंद करण्यात आली. याकाळात अनेकांना हवाई प्रवासात अडथळ्यांचा सामना करावा लागला. बॉलीवूड अभिनेत्री शहनाज ट्रेजरीवाला हिला देखील याचा फटका बसला. तब्बल दहा दिवस शहनाजला गोव्यात थांबावे लागले या काळात ती आजारी देखील पडली.

चंदीगड ते मुंबई असा प्रवास करणाऱ्या शहनाजचे विमान अपात्कालिन परिस्थितीत गोव्यात लॅन्ड करण्यात आले. याकाळात भारत आणि पाकिस्तान यांच्यातील तणाव अधिक वाढला होता. शहनाजने Instagram story वरुन ती गोव्यात १८ दिवस राहिल्याची माहिती दिली आहे. या काळात गोव्यात खूप मौज मजा केल्याची तिने सांगितले पण आजाराने तिल्या ग्रासल्याची माहिती शहनाजने दिली.

शहनाजने Instagram story मध्ये दिलेल्या माहितीनुसार, "मला गोव्यात १८ दिवस रहावे लागले. पण, या काळात मला गोव्यात आनंद घेता आला नाही. तब्येत बिघडली, Acidity, व्हायरल ताप आणि पाठदुखी झाल्याची माहिती शहनाजने दिली. विमान वळविल्यानंतर मानसिक तयारी केली होती पण आजाराने गाठले याचा जास्त त्रास होतोय", असेही तिने म्हटलंय.

"माझी सध्या Hormone Replacement Therapy सुरु आहे, त्यामुळेच हा त्रास होतोय का? आणखी कशामुळे? काही कळत नाहीये, काय होतंय कोणत्या डॉक्टरला दाखवावे. त्यात हा संघर्ष सुरु आहे. मी शांतीचा विषय काढला यामुळे मला थोडेसा ट्रोलिंगचा देखील सामना करावा लागला", असे शहनाजने तिच्या पोस्टमध्ये म्हटले आहे.

शहनाज बॉलीवूड अभिनेत्री आहे तिने शाहिद कपूरच्या इश्क विश्क या चित्रपटातून सिनेसृष्टीत पदार्पण केले होते. बऱ्याच वर्षापासून ती सिनेमापासून लांब आहे. पण, ती ट्रॅव्हल व्लॉग आणि इन्फ्युएन्सर म्हणून काम करते.