बार्देश: म्हापशाच्या नगराध्यक्षा प्रिया मिशाळ यांच्या प्रभाग १० मध्ये येणाऱ्या केणीवाडा येथे गेल्या महिन्यांत गटार साफ केले होते. पण कामगारांनी गटार साफ करताना गटारातील गाळ गटारावरच साठवून ठेवला. सध्या संततधार पडणाऱ्या पावसामुळे गटारावरील गाळ पुन्हा गटारात जातोय, याकडे पालिका कामगार, अधिकाऱ्यांचे लक्ष नसल्याने स्थानिकांत नाराजी पसरली आहे.
म्हापसा पालिकेने पालिका क्षेत्रात मान्सूनपूर्व साफसफाईचे व जिथे गटारे नव्हती, तिथे नव्याने गटारे बांधण्याचे चांगले काम हाती घेतले. पण गटारातील काढलेली घाण, माती, धोंडे पुन्हा गटारावरच ठेवले. या जून महिन्यात गटारांचे बांधकाम हाती घेतले ती अर्धवटच ठेवले. त्यामुळे हे काम जिथे चालू आहे, तेथील रहिवाशांना, दुकानदारांना त्रास होतो, शिवाय वाहतूक कोंडी होते.
या गटारांची साफसफाई व बांधकाम करण्यास ज्या कंत्राटदाराला कंत्राट दिलेले आहे, त्याच्याकडे पालिकेच्या पर्यवेक्षकांनी लक्ष देणे गरजेचे होते. पण ते न दिल्याने सध्या म्हापसा पालिका क्षेत्रातील गटारांची दैन्यावस्था झाली, असे स्थानिक रहिवाशांकडून बोलले जात आहे.
म्हापशातील एक युवा सामाजिक कार्यकर्ते सचिन किटलेकर यांनी सांगितले, की, म्हापसा पालिका जी कामे करण्यासाठी हाती घेते, ती कामे त्याच्या निष्क्रियेतेमुळे व्यवस्थित होत नाहीत. हाती घेतलेल्या कामांकडे लक्ष नसते. त्यामुळे लाखो रुपये खर्च केलेली कामे पाण्याबरोबर वाहून जातात, याचे भानही पालिकेला नसते, असेही किटलेकर म्हणाले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.