Manohar International Airport : मोपा विमानतळावर अद्ययावत ‘चेक ईन’; सेल्फ सर्व्हिस

self-baggage drop feature : मोपा येथील मनोहर आंतरराष्ट्रीय विमानतळावर प्रवाशांच्या प्रवास सुकर होण्यासाठी 'चेक-ईन’ प्रक्रिया अद्ययावत केली आहे. या सेवेमुळे प्रवाशांचे बॅगांसह अन्य साहित्य अल्पावधीत तपासणी होऊन अॅटोमेटिक चेनद्वारे योग्य स्थळी पोहोचते.

जीएमआर गोवा संचालित या आंतरराष्ट्रीय विमानतळावर अत्याधुनिक तपासणी सुविधांमुळे प्रवाशांच्या अनुभवात लक्षणीय वाढ झाली आहे. विमानतळाने सुमारे 40 टक्के प्रवाशांनी सेल्फ-सर्व्हिस बॅग ड्रॉप्स आणि 47 टक्के कॉमन यूज सेल्फ सर्व्हिस किओस्कचा प्रभावी वापर केला आहे, ज्यामुळे चेक-इन प्रक्रियेत क्रांती घडली आहे.

या विमानतळाच्या प्लॅटफॉर्मसाठी नोंदणी केलेल्या सर्व एअरलाइन्ससाठी ही सुविधा लागू झाली आहे. ग्राउंड स्टाफवरील अवलंबित्व कमी केले आहे.

जलद तपासणी प्रक्रिया

‘एसबीडी’चा वापर करणाऱ्या प्रवाशांना चेक-इन प्रक्रिया स्वतंत्रपणे पूर्ण करण्याचा अधिकार दिला जातो. ते त्यांचे बोर्डिंग पास मिळवू शकतात, बॅग टॅग प्रिंट करू शकतात आणि विमानतळ कर्मचाऱ्यांच्या मदतीशिवाय त्यांचे सामान तपासू शकतात. हा स्वयंसेवा दृष्टीकोन प्रवाशांची स्वायत्तता वाढवतो आणि संपूर्ण चेक-इन प्रक्रिया जलद करतो.