Right To Information: माहिती अधिकार कायद्याखाली मागितलेली माहिती देण्यास टाळाटाळ केल्याने शेल्डे पंचायतीचे सचिव रवींद्र वाडीकर यांना राज्य माहिती आयुक्तांनी दोन वेगवेगळ्या प्रकरणात एकूण 12 हजार रुपये दंड ठोठावला.
राज्य माहिती आयुक्त संजय ढवळीकर यांनी हा आदेश दिला. कायद्यात नमूद केलेल्या वेळ मर्यादेत माहिती देण्यास हलगर्जीपणा केल्याबद्दल हा दंड ठोठावण्यात आला आहे. सोनफातर शेल्डे येथील अनिल सावंत देसाई यांनी शेल्डे पंचायतीकडून माहिती मागणारे दोन अर्जं सादर केले होते.
मात्र प्राथमिक माहिती अधिकारी असलेले वाडीकर यांनी ही माहिती त्यांना दिली नाही. यावर त्यांनी वरिष्ठ माहिती अधिकारी असलेल्या भाग विकास अधिकाऱ्यांकडे अपील दाखल केल्यावर ही माहिती देण्यात यावी, असा आदेश देऊनही वाडीकर यांनी ती माहिती दिली नाही.
त्यामुळे देसाई यांनी राज्य आयुक्तांकडे दाद मागितली असता त्यांनी वरील आदेश दिला.
ही दंडाची रक्कम दोन हप्त्यात वाडीकर यांच्या पगारातून वजा करून सरकारी तिजोरीत ते जमा करावे, असे या आदेशात म्हटले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
