Schools Close on Saturday: गोव्यातील शाळा, महाविद्यालये शनिवारी राहणार बंद; 'हे' आहे कारण...

Schools Close on Saturday: गोव्यातील सर्व सरकारी शाळा, महाविद्यालये शनिवारी, १० जून रोजी बंद राहतील. तशा पद्धतीचे आदेश शिक्षण संचलनालयाने काढले आहेत. वातावरणातील बदलांमुळे हा निर्णय घेण्यात आला आहे.

गोव्यात सध्या असह्य आणि मोठ्या प्रमाणात उकाडा जाणवत आहे. तसेच मॉन्सूनच्या पावसाचे आगमनही काही दिवस लांबणीवर पडले आहे. त्यामुळे पालकांमधुनही शाळा बंद ठेवण्याचे आवाहन करण्यात येत होते.

आता शिक्षण संचलनालयाने घेतलेल्या या निर्णयाने विद्यार्थी-पालकांना दिलासा मिळाला आहे.

सर्व सरकारी शाळा, सरकारी अनुदानित, विना अनुदानित शाळा, प्राथमिक, माध्यमिक शाळा, विशेष शाळा आणि ज्युनियर कॉलेज शनिवारी बंद राहतील. या संस्थांच्या प्रमुखांना तसे आदेश देण्यात आले आहेत.

सर्व शिक्षण संस्थांनी या भविष्यात या सुट्टीच्या दिवसाची भरपाई करावी, असेही आदेशात म्हटले आहे.