Scam Latambarse Panchayat : साळ, लाटंबार्से गावातील सर्व्हे क्र. ६२५/१ मधील एक लाख ९१ हजार १२५ चौ. मी. जागेत लाटंबार्से कोमुनिदाद हे मालक असून त्यात कुळाचे नावही समाविष्ट आहे.
सरकारने ही जागा नियोजित औद्योगिक वसाहतीसाठी घेतली असून भूसंपादित जागेचा मोबदल्याचा अर्धा हिस्सा कूळ तर अर्धा हिस्सा लाटंबार्से कोमुनिदाद यांना दिला. परंतु सदर जागेचे फक्त ४५ लाख रु. कोमुनिदादला मिळाले, अशी माहिती कोमुनिदादच्या कारकूनाने दिली.
संतप्त गावकऱ्यांनी कोमुनिदादला कोटीच्या घरात रक्कम येणे गरजेचे होते. उर्वरित पैसे गेले कुठे; तुम्ही उरलेले पैसे हडप केले का, असा प्रश्न कोमुनिदाद मंडळाला केला.
झालेल्या गैरव्यवहाराचा तपास करावा व योग्य ती तपासणी करून ऐकून झालेल्या पैशांच्या गैरव्यवहाराची व्यवस्थापकीय कोमुनिदाद, दक्षता खाते तसेच मुख्यमंत्री यांच्याकडे तक्रार दाखल करावी, जेणेकरून त्यांना या गैरव्यवहाराची माहिती असावी.
बाकी उरलेल्या थकीत पैशांची वसुलीची योग्य तो तपास करून करावी.जोपर्यंत उरलेले पैसे मिळत नाहीत, तोपर्यंत कोमुनिदादने सदर जागेमधील एकाही भूखंडाची विक्री करू नये, असा ठराव लाटंबार्से कोमुनिदादच्या वार्षिक सर्वसाधारण बैठकीत गावकऱ्यांनी घेऊन लाटंबार्से कोमुनिदाद मंडळाला धारेवर धरले, तसेच सदर ठराव सर्वानुमते मंजूर करून घेतला.
सदर सभा कासरपाल येथील श्री सातेरी भूमिका मंदिराच्या प्रांगणात घेण्यात आली. यावेळी लाटंबार्से परिसरातील गावकर मंडळी मोठ्या संख्येने उपस्थित होती.मोहन नार्वेकर यांनी आभार मानले.
संमतीशिवाय सभा घेऊ नये !
कायद्याप्रमाणे कोमुनिदाद व्यवस्थापकांच्या संमतीशिवाय यापुढे सभा घेऊ नये,असा ठराव घेण्यात आला.
तर यावर उत्तर देताना कोमुनिदाद मंडळाने गावकऱ्यांना सांगितले की, सदर सभा कोर्ट खटला विषय आणि महत्वाचे विषय असल्याने ती घेण्यात आली.
सदर सभेत कोमुनिदादचे वकील विवेक दांडेकर यांनी विविध न्यायप्रविष्ट खटल्यांतील दोन लाखांचे बिल कोमुनिदादकडे सादर केले होते. दांडेकर यांना बिल देण्याचे ठरले.मुखत्यारला प्रत्येक खटल्यासाठी एक खर्च ठरवून द्यावा,असा ठरावही घेण्यात आला.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.