Mahadayi Water Dispute: 'सेव्ह म्हादई सेव्ह गोवा' फ्रंटच्या शिष्टमंडळाने घेतली राज्यपालांची भेट

Mahadayi Water Dispute: सेव्ह म्हादई सेव्ह गोवा फ्रंटच्या शिष्टमंडळाने गोव्याचे राज्यपाल पी.एस. श्रीधरन पिल्लई यांच्याकडे म्हादईसंबंधी एक निवेदन सादर केले आहे. राजभवन येथे आज सकाळी भेट घेण्यात आली. तसेच म्हादईच्या विषयांवर शिष्टमंडळाने सविस्तर चर्चा केली.

ओपिनियन पोलच्या दिवशी सेव्ह म्हादई सेव्ह गोवाच्या वतीने स्वाक्षरी मोहिम राबविण्यात आली होती. यावेळी डीपीआर तात्काळ मागे घेण्यासंबंधीचा ठराव एकमताने मंजूर करण्यात आला. व्ह म्हादई सेव्ह गोवाच्या फ्रंटच्या शिष्टमंडळाने आज राज्यपालांना ठराव सादर केला.

गोवा सरकारने तसेच केंद्र सरकारने म्हादईप्रश्नी कोणती प्रक्रिया केली पाहिजे यासंबंधीतील म्हादईच्या विषयांवर शिष्टमंडळाने सविस्तर चर्चा केली. तसेच म्हादईप्रश्नी गोवा सरकार हवे तसे प्रयत्न करत नसल्याची खंत त्यांनी यावेळी राज्यपालांसमोर बोलून दाखवली.

म्हादई ही गोव्याची लाईफलाईन आहे त्यामुळे राज्यपालांनी सरकारला म्हादईप्रश्नी मार्गदर्शन करावे अशीही मागणी त्यांनी यावेळी केली.

यावेळी राज्यपालांनी आमचे म्हणणे ऐकून घेतले असून ते संबंधित अधिकाऱ्यांकडे हे प्रकरण मांडून गोवावासीयांच्या भावना पोहोचवणार असल्याचे सेव्ह म्हादई सेव्ह गोवा फ्रंटचे नेते प्रशांत नाईक यांनी सांगितले.