Mahadayi Water Dispute: 'सेव्ह गोवा, सेव्ह म्हादई'चा म्हादईसाठी उद्या सांगेत एल्गार

Mahadayi Water Dispute म्हादईबद्दल लोकभावना जागृत करण्यासाठी म्हणून 'सेव्ह गोवा, सेव्ह म्हादई' संस्थेतर्फे सांगे बसस्थानकावर उद्या संध्याकाळी 4 वाजता सभा आयोजित करण्यात आली असल्याची माहिती संस्थेच्या सदस्यांनी पत्रकार परिषदेत दिली.

यावेळी संस्थेच्यावतीने प्रतिमा कुतिन्हो, विकास भगत, मॅश्यु डिकॉस्ता, सावियो डिकॉस्ता, रुमाल्ड फर्नाडिस, मिल्टन फर्नाडिस् आदी उपस्थित होते.

सांगे बसस्थानकावर उद्या संध्याकाळी 4 वाजता सभा आयोजित करण्यात आलेली आहे. ही सभा राजकीय नसून म्हादई वाचवण्यासाठी गोमंतक जनतेने एकत्र येण्यासाठी हा एल्गार आहे. त्यामुळे या सभेला कुणीही राजकीय रंग देऊ नये.

'सेव्ह गोवा सेव्ह म्हादई' हा लढा एकट्याने लढू शकत नाही त्यासाठी सर्वांनी एकत्र येण्याची गरज असल्याचे यावेळी स्पष्ट करण्यात आले.

कर्नाटकात भाजप सरकार बहुमतात यावं यासाठी ही प्रमोद सावंत सरकारची खेळी असून त्यांनी आपल्या आईसमान असलेल्या म्हादईला विकत आहेत. सरकार मोठ्या धूर्तपणे ही खेळी खेळात असून या विरुद्ध आवाज उठवण्यासाठी सांगेवासीयांनी मोठ्या संख्येने बसस्थानकावर उपस्थित राहण्याचे आवाहन या पत्रकार परिषदेत करण्यात आले.