Sattari Ram Navami : सत्तरी तालुक्यात विविध मंदिरांत रामनवमी उत्साहात

Sattari Ram Navami :

वाळपई, आज बुधवारी श्रीराम जन्मोत्सवानिमित्त सत्तरीच्या विविध भागात रामनवमी उत्साहात साजरा करण्यात आला. राम नामाच्या जयघोषामुळे गावात आनंदी व भक्तीमय वातावरण पसरले होते.

वाळपई श्री हनुमान देवस्थानात राम जन्मोत्सव उत्साहात साजरा करण्यात आला. सकाळपासून मंदिरात विविध धार्मिक कार्यक्रम झाले. त्यात मोठ्या संख्येने भाविकांनी उपस्थित राहून श्रींचे दर्शन घेतले. रामनवमी निमित्त मंदिर परिसर रोषणाईने सजला होता.

तसेच श्री हनुमानाची मूर्ती फुलांनी सजवली होती. वाळपई श्री हनुमान देवस्थानात विविध धार्मिक व सांस्कृतिक कार्यक्रम झाले. दुपारी १२ वा. राम जन्मोत्सव साजरा करण्यात आला.

त्यानंतर स्थानिकांचे भजन, आरती, तीर्थप्रसाद, महाप्रसाद त्यांतर रात्री नाट्य प्रयोग झाला. खडकी सत्तरी येथील श्रीराम मंदिरात रामनवमी उत्सव उत्साहात साजरी. सकाळपासून मंदिरात भाविकांची गर्दी होती. संध्याकाळी वाजता भजन, रात्री ९.३० वा. नाट्य प्रयोग झाला.

उस्ते सत्तरी येथील श्रीराम वाळपई : श्री हनुमान मंदिरात रामनवमी उत्सव उत्साहात साजरा करण्यात आला. मंदिरात रामनवमीनिमित्त अखंड रामनाम जप, सकाळी ९ वा. श्री सत्यनारायण महापूजा, दुपारी १२ वा. श्री राम जन्मोत्सव, तदनंतर आरती, तिर्थ प्रसाद, महाप्रसाद, रात्री ९ वा. पंढरपूर वारीचे फॉर्म वितरण, रात्री ९.३० वा. 'करया सेटिंग' हे नाटक झाले. ठाणे राम मंदिरात श्रीराम जन्मोत्सव थाटात झाला.