Summer Camp : रवींद्र भवन मडगाव आयोजित उन्हाळी शिबिराला प्रतिसाद

Summer Camp :

सासष्टी,गुरुवार, ९ रोजीपासून रवींद्र भवन मडगावतर्फे आयोजित उन्हाळी शिबिराला उत्स्फूर्त प्रतिसाद लाभला असून वेगवेगळ्या उपक्रमांमध्ये ७ ते १५ वर्षे वयोगटातील ७० मुले व मुली सहभागी झाली आहेत.

हे शिबिर सकाळी १० ते दु. १२.३० व दु. ३ ते सायं. ५.३० वा. अशा दोन सत्रांमध्ये घेतले जात आहे.

अजूनपर्यंत दगड रंगकाम, हस्तकला, टेक्स्चर आर्ट हे उपक्रम चालू असून चित्रकला, शुद्धलेखन, कोलाज आर्ट, फुलांच्या कुंडीचे रंगकाम, व्यक्तिमत्त्व विकास, स्वत:ची काळजी, किचेन मेकिंग वगैरे नावीन्यपूर्ण उपक्रमही सुरु केले जातील, अशी माहिती शिबिराच्या संयोजक आणि सांस्कृतिक कार्यक्रम आयोजक अवनी नाईक यांनी सांगितले.

या शिबिरात मुलांना त्या-त्या कला क्षेत्रातील तज्ज्ञ मार्गदर्शन करीत आहेत. १७ मे रोजी समारोप सोहळा होणार असून सर्व सहभागी प्रशिक्षणार्थींना प्रमाणपत्रे वितरित केली जातील.