Sanjivani Sugar Factory: ...तोपर्यंत आम्ही साखळी उपोषण करणार! ऊस उत्पादक शेतकऱ्यांचा आक्रमक पवित्रा

Sanjivani Sugar Factory Sugarcane Farmers protest

मागील दोन महिन्यांहून अधिक काळापासून शेतकऱ्यांनी येथे इनेथॉल प्लांटची मागणी लावून धरली आहे. मात्र सरकारला स्पष्ट इशारा देऊनही मागण्या मान्य न झाल्यामुळे आज (02 जानेवारी) गोमंतक ऊस उत्पादक संघटनेच्या सदस्यांनी अखेर आंदोलनाला सुरुवात केली आहे.

काही दिवसांपूर्वी ऊस उत्पादक शेतकरी संघाचे अध्यक्ष राजेंद्र देसाई यांनी समिती सदस्यांसोबत झालेल्या बैठकीनंतर सरकारने मागण्या मान्य न केल्यास आंदोलनाचा इशारा दिला होता. दरम्यान, आज संजीवनी साखर कारखाना परिसरात सदस्यांनी याची सुरुवात केली आहे.

जोपर्यंत सरकार कारखाना सुरु करत नाही, तोपर्यंत गोमंतक ऊस उत्पादक संघटनेचे सर्व सदस्य साखळी उपोषण करणार असल्याचे सांगितले. यावेळी आंदोलकांनी सरकारकडे संजीवनी सहकारी साखर कारखाना पूर्ववत करून गोव्यातील ऊस शेतीला प्राधान्य देण्याची मागणी केली.