मडगाव: सांगे येथील सरकारी उच्‍च माध्‍यमिक विद्यालयाच्‍या इमारतीच्‍या सभागृहाचे सिलिंग कोसळल्‍याने एका विद्यार्थीनीला हॉस्‍पिसियो इस्‍पितळात दाखल करण्‍यात आले होते. तिची प्रकृती ठिक झाल्याने शनिवारी तिला ‘डिस्‍चार्ज’ देण्यात आला. दुसरीकडे, शिक्षण संचालक शैलेश झिंगडे यांनी आज सांगे येथे जाऊन उच्‍च माध्‍यमिक विद्यालय इमारतीची पाहणी केली.
शाळेच्या सुरक्षेसंदर्भात अहवाल तयार करुन तो सरकारला पाठविला जाणार असल्याचे त्यांनी सांगितले. या इमारतीचे छत आणि मधले सिलिंग यामध्‍ये काही प्रमाणात मोकळी जागा असल्‍याने माकड तिथे आत शिरले आणि माकडाच्‍या वजनामुळे हे सिलिंग खाली काेसळले, असेही ते म्हणाले.
त्‍यामुळे छत आणि सिलिंग यामधील मोकळी जागा कशापद्धतीने बंद करायची यावर वेगवेगळ्‍या सूचना आल्‍या आहेत. मात्र या विद्यालयाची इमारत जंगली भागाशी जवळ असल्‍याने इतर प्रकारचीही जनावरे या जागेत येऊ शकतात.
ही शक्‍यता गृहित धरुन या जागेला मोठे कुंपण घालता येईल का, यावरही विचार चालू आहे. सोमवारी यासंदर्भात आराखडा तयार करण्‍यासाठी आणखी एक बैठक घेण्‍यात येईल, असे झिंगडे यांनी सांगितले. दरम्यान, विद्यालयाचे प्राचार्य सुदेश नाईक यांनी सांगितले की, आज या विद्यार्थिनीला डिस्‍चार्ज देण्यात आला आहे.
पंखा वर लावताना जी सुरक्षेसाठी पीन लावणे आवश्यक होती ती न लावल्‍याने ही दुर्घटना घडली, असे प्राथमिक चौकशीत पुढे आले आहे. तीन महिन्‍यापूर्वीच या शाळेत दुरुस्‍तीचे काम केले होते. कदाचित घाईघाईत हे काम केल्‍यामुळे या काही त्रुटी राहिल्‍या असतील मात्र याही संदर्भात चौकशी केली जाईल, असे झिंगडे यांनी यावेळी सांगितले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.