कांदोळीत वाळूच्या ढिगाऱ्यातील वनस्पती हटवण्याचा प्रयत्न?

कळंगूट: कळंगूट येथे फोरम (सीसीएफ) एनजीओने आरोप केला आहे की, कांदोळीमधील वाडी समुद्रकिनाऱ्याच्या मालमत्तेचे नुकसान होत असुन, संबंधित व्यक्ती नो-डेव्हलपमेंट कोस्टल रेग्युलेशन झोनमधील (CRZ) वाळूच्या ढिगाऱ्यातील वनस्पती (Sand Dune Vegetation) काढुन टाकत आहे. (Sand dune vegetation in Candolim)

शुक्रवारी गोवा कोस्टल क्षेत्र व्यवस्थापन प्राधिकरण मध्ये दाखल केलेल्या तक्रारीद्वारे सीसीएफने स्पष्ट केले की, परिसरातील स्थानिकांनी देखील याबाबत आवाज उठवला आहे. स्थानिक नागरिकांनी संबंधित बेकायदेशीर क्लिअरिंगकडे गांभीर्याने लक्ष दिले आहे, त्यानंतर 23 फेब्रुवारीला सीसीएफने कळंगूट (calangute) पोलिसांकडे तक्रार दाखल केली आहे, पोलिसांनी (Goa Polioce) या ठीकोणी भेट दिली असुन, संबंधित मालकाला वनस्पती साफ करणे ताबडतोब थांबविण्याचे निर्देश दिले आहेत.