Sancoale: सांकवाळ पंचायतीची बैठक गुंडाळली फक्त 5 मिनिटांत! 65 लाखांच्या बिलांना मंजुरी; पंच नाईक यांचे आरोप

Sancoale Panchayat Meeting: विविध विषयांवर चर्चा करण्यासाठी सांकवाळ पंचायत मंडळाची मंगळवारी बैठक बोलाविण्यात आली होती.
Panchayat Meeting
Panchayat MeetingDainik Gomantak
Published on
Updated on

वास्को: सांकवाळ पंचायतीच्या बैठकीला मी व दुसरे पंचसदस्य मोर्विलो कार्व्हालो उपस्थित असतानाही आम्हाला सह्या करण्यासाठी इतिवृत्त पुस्तक दिले नाही. हा लोकशाहीचा खून आहे. आमचा लोकप्रतिनिधीचा अधिकार काढून घेतला गेला. याप्रकरणी संबंधित यंत्रणांनी योग्य ती दखल घेण्याची गरज असल्याचे पंच तुळशीदास नाईक यांनी सांगितले.

ही बैठक अवघ्या चार-पाच मिनिटांमध्ये गुंडाळण्यात आली. यादरम्यान ६५ लाख रुपयांच्या बिलांना मंजुरी देण्यात आल्याचा आरोप नाईक यांनी केला. ही बैठक बेकायदेशीर असल्याप्रकरणी आम्ही पंचायत संचालकांना सोमवारी (ता.१७) निवेदन दिले होते. त्याचा काहीच फायदा झाला नसल्याचे ते म्हणाले.

Panchayat Meeting
Sancoale Panch Arrested: 'मंत्र्यांच्या फोननंतर आपल्‍याला अटक '; सांकवाळ पंचांचा खळबळजनक दावा, 'नाईक'प्रकरणी न्‍यायालयाने मागितले स्‍पष्‍टीकरण

विविध विषयांवर चर्चा करण्यासाठी सांकवाळ पंचायत मंडळाची मंगळवारी (ता.१८) बैठक बोलाविण्यात आली होती. या बैठकीला सरपंच रोहणी तोरस्कर, पावलिना आझावदो, निधी नाईक, अनुषा लमाणी या काही कारणास्तव गैरहजर होत्या. या बैठकीला तुळशीदास नाईक, मोर्विलो कार्व्हालो यांच्यासह सत्ताधारी गटाचे पाचजण असे सातजण उपस्थित होते. बैठकीला आरंभ झाल्यावर नाईक व कार्व्हालो यांनी सह्या करण्यासाठी इतिवृत्त पुस्तक मागितले.

Panchayat Meeting
Sancoale Panch Arrest: ‘सांकवाळ पंच अटकेसंदर्भात डायरी न्‍यायालयात हजर करा’, वास्‍को न्‍यायालयाचा पोलिसांना आदेश

दरम्यान, सांकवाळ पंचायतीची मंगळवारी (ता.१८) बोलाविण्यात आलेली बैठक पूर्ण झाल्याचा दावा उपसरपंच डेरेक वालिस यांनी केला. चार डिसेंबरची बैठकही पूर्ण झाल्याने तीचे इतिवृत्तांत वाचून तिची पुष्टी करण्यात आली. या बैठकीत गत बैठकीप्रमाणे पंच तुळशीदास नाईक यांनी अडथळा आणण्याचा प्रयत्न केल्याचा आरोप त्यांनी केला. आम्ही लोकांचे प्रश्न हाती घेत आहोत, तथापी दोन पंचांकडून आम्हाला अडथळा आणला जात आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com