साळकर, नार्वेकर यांचा वास्को येथे सत्कार

वास्को: मुरगाव पत्रकार लेखक संघातर्फे वास्कोचे आमदार दाजी साळकर व पोलिस उपअधीक्षक सुदेश नार्वेकर यांचा सत्कार करण्यात आला.मुरगाव पत्रकार लेखक संघातर्फे वर्ष पद्धती प्रमाणे यंदाही वास्को शिगमोत्सवा प्रित्यर्थ ज्येष्ठांसाठी चालण्याची शर्यत आयोजित करण्यात आली होती. सदर स्पर्धा तीन गटात घेण्यात आली होती. या कार्यक्रमाला प्रमुख पाहुणे म्हणून वास्कोचे आमदार कृष्णा उर्फ दाजी साळकर तर सन्माननीय पाहुणे म्हणून वास्कोचे वाहतूक पोलिस उपअधीक्षक सुदेश नार्वेकर उपस्थित होते.

संघाचे अध्यक्ष सुनील शेट यांच्या हस्ते शाल, श्रीफळ व स्मृतिचिन्ह देऊन साळकर व नार्वेकर यांचा सत्कार करण्यात आला. या प्रसंगी डॉ. धर्मेंद्र प्रभुदेसाई, डॉ. निखील परूळेकर, पोलिस निरीक्षक नितीन हळणकर, मुरगाव शिगमोत्सव समितीचे अध्यक्ष विजय नागवेकर, नगरसेवक गिरीश बोरकर, नगरसेवक अमेय चोपडेकर व संघाचे इतर पदाधिकारी उपस्थित होते. सूत्रसंचालन ज्येष्ठ पत्रकार मिलिंद काकोडकर यांनी केले. पत्रकार सुभाष राव यांनी आभार मानले.