लोटली: गोव्यात अनेक प्रसिद्ध संग्रहालय आहेत. पणजीतील राज्य सरकारचे संग्रहालय असो किंवा जुने गोवे येथील पुरातत्व खात्याचे संग्रहालय असो. ऐतिहासिक आणि प्राचीन वस्तू, शिल्प आणि कलाकृतींचा ठेवा येथे पाहायला मिळतो. अशाचपद्धतीचे गोमंतकीय ग्रामीण संस्कृतीचे दर्शन घडविणारे संग्रहालय लोटलीत आहे.
विशेष बाब म्हणजे येथे भारतातील एकमेव खडकावर कोरलेलं संत मीरबाईंचे शिल्प पाहायला मिळेल.
मयेंद्र अल्वारिस यांनी २९ वर्षापूर्वी मोठ्या खडकावर शिल्प तयार केले आहे. १४ फूट उंच आणि दहा फूट रुंद ही कलाकृती भारतातील अशाप्रकारची एकमेक कलाकृती आहे. हातात विणा घेतलेली संत मीराबाई बिग फूट संग्रहालयाचे आकर्षण आहे.
१९९६ साली अल्वारिस यांनी या कलाकृतीची निर्मिती केली असून, त्याची लिम्का बूक ऑफ रेकॉर्डमध्ये नोंद करण्यात आली आहे.
संत मीराबाईच्या या शिल्पाला तीस वर्षे पूर्ण झाल्याबद्दल अलिकडेच येथे जल्लोषात आनंद साजरा करण्यात आला.
लोटली येथील बिग फूट संग्रहालयात ग्रामीण गोव्याची झलक पाहायला मिळते. संग्रहालयात गोमंतकीय संस्कृतीची प्रतिकृती उभारण्यात आलीय. गोमंतकीयांचे राहणीमान, खाद्यसंस्कृती, सण, उत्सव, जीवनशैली याची हुबेहूब प्रतिकृती येथे पाहायला मिळतात.
मोठ्या प्रमाणावर देशी - विदेशी पर्यटक या संग्रहालयाला भेट देत असतात. बॉलिवूडच्या सिने कलाकारांना देखील या संग्रहालयाची भूरळ पडल्याचे पाहायला मिळते. दरवर्षी अनेक सिने कलाकार येथे आवर्जुन भेट देत असतात.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.