कळंगुट: अवैध पद्धतीने सुरु असलेल्या जुगार अड्यावर गुन्हे शाखेच्या पोलिसांनी छापा टाकून कारवाई केली. नाईकवाडा, कळंगुट येथे केलेल्या या कारवाईत २४ जणांना ताब्यात घेण्यात आले. तर, पाच लाख ४० हजार रुपयांचा मुद्देमाल जप्त करण्यात आला. कारवाईवेळी एक संशयिताने पोलिसांच्या भीतीने चक्क तिसऱ्या मजल्यावरुन उडी घेतली.
पोलिसांनी दिलेल्या माहितीनुसार, नाईकवाडा, कळंगुट येथील वेनोर प्लाझामध्ये गुन्हे शाखेच्या पोलिसांनी रविवारी (दि. ११ ऑगस्ट) छापा टाकला. इमारतीत अवैध पद्धतीने जुगार सुरु असल्याची गुप्त माहिती पोलिसांनी मिळाली होती. पोलिसांनी घटनास्थळी छापा टाकत तब्बल २४ जणांना ताब्यात घेतले.
संशयितांकडे 2,40,540 रोकड आणि तीन लाख रुपये किमतीचे जुगाराच्या संबधित साहित्य आढळून आले. पोलिसांनी एकूण पाच लाख चाळीस हजार किमतीचा मुद्देमाल जप्त केला आहे.
पोलिसांनी २४ संशयितांना ताब्यात घेतले दरम्यान, जामिनावर त्यांची सुटका करण्यात आली. या प्रकरणाचा पुढील तपास पोलिस निरिक्षक किशोर रामनान करत आहेत.
पोलिसांचा छापा पडताच घाबरलेल्या एका संशयिताने तिसऱ्या मजल्यावरुन खाली उडी घेतली. यात संशयित गंभीर जखमी झाल्याची माहिती आहे. पोलिसांनी सध्या सर्व संशयितांची जामीनावर सुटका केली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.