Sahitya Akademi : कोकणी साहित्यिक माणिकराव गावणेकर यांना साहित्य अकादमी पुरस्कार

केंद्रीय साहित्य अकादमीचे 2022 चे अनुवाद पुरस्कार गुरुवारी जाहीर करण्यात आले आहेत. कोकणी भाषेत अनुवादासाठी जेष्ठ साहित्यिक माणिकराव राम नाईक गावणेकर यांना हा पुरस्कार जाहीर झाला आहे. त्यांच्या श्री राम कृष्ण अमृतवाणी या पुस्तकासाठी त्यांना पुरस्कार जाहिर झाला आहे. मुळ बंगाली भाषेतील निबंधाचे पुस्तक त्यांनी कोकणीत अनुवाद केले आहे.

रोख 50 हजार रुपये व तांब्याचे मानचिन्ह असे या पुरस्काराचे स्वरुप आहे अशी माहिती साहित्य अकादमीचे सचिव के. श्रीनीवास राव यांनी दिली. माणिकराव नाईक गावणेकर कोकणी चळवळीत कार्यरत होते तसेच त्यांनी वेगवेगळ्या विषयावर पुस्तक लेखन केले आहे. 1 हजार 600 पानांचे रामायण त्यांनी कोकणीत अनुवाद केला आहे. वाल्मीकी रामायणाचे 4 भाग, भक्तीगीते, स्वामी विवेकनंदांवर भक्तीयोग, कर्मयोग अशी बरीच पुस्तके त्यांनी लिहीली आहेत.