Sadanand Shet Tanavade: भारतीय जनता पक्ष जेव्हा एखादी निवडणूक जिंकतो, तेव्हा ईव्हीएमचा प्रश्र्न उपस्थित केला जातो. सध्या विरोधकांकडे मुद्दे नसल्याने त्यांनी ईव्हीएमचा गैरवापर केला जातो, बॅलटद्वारे निवडणूक घ्या, असे लोकांच्या मनात बिंबवण्याचा प्रयत्न सुरू आहे.
मात्र भारतीय मतदार सूज्ञ आहेत. त्यांना खरेपणा व खोटेपणा याची पारख योग्य प्रकारे करता येते, त्यामुळे भारतीय जनता पक्षाला आगामी लोकसभा निवडणुकीत काहीच फरक पडणार नाही.
केंद्रात भाजपचे सरकार मोठ्या मताधिक्याने व गोव्यातही दोन्ही जागा जिंकणार असल्याचे प्रदेशाध्यक्ष सदानंद तानावडे यांनी आज मडगावात पत्रकारांना सांगितले.
तेलंगणा व कर्नाटकमध्ये कॉंग्रेसचा विजय झाला. तिथे ईव्हीएमचा वापर केला नव्हता का? असा प्रश्र्न ही त्यांनी उपस्थित केला.
भारतीय जनता पक्षा कुठलीही निवडणूक एक आव्हान म्हणून स्वीकारतो. मग ती पंचायत, नगरपालिका, राज्य किंवा लोकसभेची निवडणूक असो.
वर्षभर पक्षाचे विविध कार्यक्रम देशभर सुरू असतात. आता 11 फेब्रुवारीपासून पक्षाचे पदाधिकारी गोव्यातील सर्व बुथांना भेट देणार असून बूथ समित्यांचे पदाधिकारी
व कार्यकर्त्यांबरोबर संवाद साधणार असल्याचेही तानावडे यांनी सांगितले. आमचे पक्षासाठी काम असते, त्यात वैयक्तिक स्वार्थ नसतो असेही त्यांनी सांगितले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
