गोवा माध्यमिक व उच्च माध्यमिक शिक्षण मंडळातर्फे घेण्यात येणारी यावर्षीची बारावीची परीक्षा उद्या, २८ फेब्रुवारीपासून सुरू होत असून ती २० केंद्रांवर होणार आहे. यंदा या परीक्षेसाठी एकूण १७,९८७ विद्यार्थी बसले असून त्यामध्ये ८,५५० मुले आणि ९,४३७ मुलींचा समावेश आहे.
परीक्षार्थी मुलींची संख्या मुलांपेक्षा अधिक आहे. मंडळाच्या प्रसिद्धी पत्रकाप्रमाणे बारावीची परीक्षा २८ फेब्रुवारी ते १८ मार्च या कालावधीत होणार आहे. एकूण २० केंद्रांवर १७,९८७ विद्यार्थी परीक्षा देणार आहेत. यात कला शाखेतील १३७९ मुले आणि २९३० मुली मिळून ४,३०९; वाणिज्य शाखेतील २८४१ मुले
आणि २४७९ मुली मिळून ५,३२०; विज्ञान शाखेतील २६१६ मुले आणि ३२६७ मुली मिळून ५,८८३; व्यावसायिक शाखेतून १७१४ मुले आणि ७६१ मुली मिळून २४७५ विद्यार्थी या परीक्षेला बसणार आहेत. परीक्षा सकाळी ९.३० वाजता सुरू होईल. त्यापूर्वी ४५ मिनिटे विद्यार्थ्यांनी परीक्षा केंद्रावर उपस्थित राहावे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
