Goa Drug Case:आदीस अबाबा इथिओपिया येथून गोवा तसेच इतर राज्यांत तस्करीसाठी आणलेले सुमारे 15 कोटींचे 2 किलो कोकेन केंद्रीय नार्कोटिक कंट्रोल ब्युरोच्या (एनसीबी) मुंबई विभागाने जप्त केले.
या प्रकरणाशी संबंधित असलेला व मुंबईत एका हॉटेलवर उतरलेला ला गिलमोर या झांबियाच्या प्रवाशाला तर दिल्लीतून एम. आर. आगुस्तिनो या टांझानियाच्या महिलेला अटक करण्यात आली आहे. गोवा, मुंबई, दिल्ली व बंगळुरू येथे तस्करीसाठी आफ्रिकन देशांतून कोकेन येणार असल्याची माहिती एनसीबी मुंबई विभागाला मिळाली होती.
त्या आधारे एनसीबीचे पश्चिम क्षेत्रीय संचालक अमित घावटे यांच्या मार्गदर्शनाखाली पथकाने चौकशी केली असता 9 नोव्हेंबरला इथिओपिया येथून एक विदेशी प्रवासी मुंबईत आल्याची माहिती मिळाली. त्याचा शोध घेतला असता मुंबईतील एका अलिशान हॉटेलमध्ये तो वास्तव्य करून असल्याचे समोर आले. त्यानुसार हॉटेलमध्ये ला गिलमोर याच्या सामानाची झडती घेतली असता बॅगेत लपवून ठेवलेले 15 कोटींचे 2 किलो कोकेन सापडले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
