![Water Scarcity](http://media.assettype.com/dainikgomantak%2F2024-05%2Fddf9af59-4ff8-4a87-bd24-626225aae653%2FManoj__15_.jpg?w=480&auto=format%2Ccompress&fit=max)
तांबडीसुर्ला, मधलावाडा-साकोर्डा येथील विहिरीचे पाणी आटायला लागल्याने येथील १ एमएलडी पाणी प्रकल्प बंद करण्यात आला आहे.शनिवारी सकाळी ग्रामस्थांनी याबाबत दबाव आणल्यावर कनिष्ठ अभियंत्याने प्रकल्प बंद करण्याचा निर्णय घेतला.
दरम्यान, परिसरात पाण्याची भीषण समस्या निर्माण झाली असून यावर तोडगा काढण्यासाठी सरपंच प्रिया खांडेपारकर यांनी गुरुवारी संध्याकाळी मधलावाडा ग्रामस्थांची येथील मांडावर विशेष बैठक घेतली.
पूर्वी सकाळी ७ ते दुपारी १ वाजेपर्यंत लोकांना पाणी सोडले जात होते. यात कपात करून सकाळी ७ वाजता आळीपाळीने पंप सुरू करून दिवसातून फक्त २ तास पाणी सुर्ला, मधलावाडा व बट्टर गावाला सोडण्याचे बैठकीत ठरविण्यात आले. बट्टर गावात दोन तास पाणी पुरवठा करून लोकांना पाणी अपुरे पडत असेल तर त्या गावात टँकरची अतिरिक्त सोय केली जाईल, असा निर्णय बैठकीत घेण्यात आला.
दरम्यान, मेस्तवाडा, तयडे व धारगे गावातील पाणी पुरवठा या कालावधीत बंद करण्यात येणार आहे. या गावातील लोकांना टँकरव्दारे पाणी पुरवठा केला जाईल, असे सरपंच प्रिया खांडेपारकर यांनी सांगितले.
पानसी येथील ग्रामीण पाणी पुरवठा योजनेतून बोळकर्णे व बाराभूमी विद्यालय परिसरातील लोकांना निर्धारित वेळेत पाणी पुरवठा करण्यात येईल.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.