Rumdamol: 'रस्ते दुरुस्त केले, पण निकृष्ट दर्जाचे'! रुमडामळ पंचसदस्याची तक्रार; कंत्राटदाराचा परवाना रद्द करण्याची होतेय मागणी

Rumdamol Dovorlim Road: सार्वजनिक बांधकाममंत्री दिगंबर कामत यांनी यात लक्ष घालावे व ज्या कंत्राटदाराने निकृष्ट काम केले आहे त्याचा परवाना रद्द करण्याची मागणी वळवईकर यांनी केली आहे.
Rumdamol Dovorlim Road
Rumdamol Dovorlim Road Dainik Gomantak
Published on
Updated on

सासष्टी: सांडपाणी पाईपलाईन, गॅस पाईपलाईन व भूमिगत वीज वाहिन्यांसाठी रुमडामळ-दवर्ली व परिसरातील रस्ते खणले होते. त्यामुळे लोकांना त्रास सहन करावा लागला. गेल्या दीड वर्षापासून येथील नागरिक दुरुस्तीची मागणी करीत होते. अखेरीस रस्त्याची दुरुस्ती केली गेली; पण हे काम निकृष्ट दर्जाचे झाल्यामुळे वाहनचालकांबरोबर पादचाऱ्यांचेही हाल होत आहेत. ही बाब स्थानिक पंचसदस्य विनायक वळवईकर यांनी उपस्थित केली.

विकासकामांसाठी रस्ते खणले; पण ते लगेच दुरुस्त करायला हवे होते. ते केले नाहीत. जेव्हा केले तेव्हा काम निकृष्ट दर्जाचे झाले आहे. जे रस्ते दुरुस्त केले, ते ओबडधोबड झाले आहेत. वाहन चालविणे कठीण होते. वाहनचालकांना दुखापत होत आहे.

रस्ता सरळ करण्यासाठी रोलरऐवजी जेसीबीचा वापर करण्यात आला आहे. त्यामुळे रस्त्याची पातळी खाली गेली आहे. सार्वजनिक बांधकाममंत्री दिगंबर कामत यांनी यात लक्ष घालावे व ज्या कंत्राटदाराने निकृष्ट काम केले आहे त्याचा परवाना रद्द करण्याची मागणी वळवईकर यांनी केली आहे.

Rumdamol Dovorlim Road
Goa Road Repair: '15 दिवसांत रस्‍त्‍यावर एकही खड्डा दिसणार नाही', मंत्री कामत यांचे आश्वासन; कंत्राटदारांना निर्देश दिल्याचे स्पष्टीकरण

दुरुस्ती गरजेची!

काही दिवसांपूर्वी पावसाळ्यात एका लहान मुलाने रस्त्यावरील पाण्यात हात टाकला. तिथेच उघड्या वीजवाहिनीचा स्पर्श झाल्याने त्याला शॉक लागला. या वीजवाहिन्यांच्या कामाचीही दुरुस्ती होणे आवश्यक असल्याचे वळवईकर यांनी लक्षात आणून दिले आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News in Marathi - Dainik Gomantak
dainikgomantak.esakal.com