रस्त्यावर वाहन उभे करून प्रवाशांना शिवीगाळ, दाबोळी विमानतळ परिसरात युवकांकडून दहशत

Dabolim Airport

दाबोळी विमानतळ परिसरात रात्रीच्या वेळेस युवकांकडून दहशत निर्माण करण्यात आली. रस्त्यावर वाहन उभे करून प्रवाशांना शिवीगाळ करण्यासह, महिलांना अश्लील भाषेत शिवीगाळ केली. याप्रकरणी एक व्हिडिओ आणि फोटो सोशल मिडियावर व्हायरल झाल्यानंतर दोबोळी विमानतळ पोलिसांनी याची दखल घेतली. गुरूवारी (दि.13) रात्री ही घटना घडली.

दाबोळी विमानतळ पोलिसांनी अमित कामत (वय 18), अरूण तिमापूर आणि फहाद टीनवाले (वय 25) (रा. मांगोरहिल) यांच्या विरोधात गुन्हा दाखल केला आहे.

गुरूवारी रात्री साडेबाराच्या सुमारास दाबोळी विमानतळ परिसरातील रस्त्यावर युवकांनी दहशत निर्माण करण्याचा प्रयत्न केला. युवकांनी रस्त्यावर वाहन उभे करून प्रवाशांना शिवीगाळ केली. महिलांबाबत देखील अपशब्द वापरल्याची माहिती समोर आली आहे.

याप्रकरणी एक व्हिडिओ आणि काही फोटो समोर आल्यानंतर दाबोळी पोलिसांनी याची दखल घेतली. पोलिसांनी मांगोरहिल येथील तीन युवकांविरोधात गुन्हा नोंद केला आहे. पोलीस अधिक तपास करीत आहेत.