Goa Railway police : सिग्नल केबलची चोरी करणाऱ्या दोघांना अटक; मडगाव रेल्वे पोलिसांची कारवाई

मडगाव रेल्वे पोलिस दलाच्या पथकाने रेल्वेच्या मालमत्तेची चोरी करणाऱ्यांवर कारवाई केली आहे. याप्रकरणी दोघा संशयितांना अटक करण्यात आली आहे. त्यांच्याकडून चोरी करण्यात आलेले साहित्य जप्त करण्यात आले आहे. रेल्वे पोलिस पुढील तपास करीत आहेत.

याबाबत अधिक माहिती अशी की, मडगाव रेल्वे पोलिस दलाच्या पथकाला करमळी रेल्वे कॉलनीतून मोठ्या प्रमाणात रेल्वे मालमत्तेची चोरी करणाऱ्या दोघा चोरट्यांना गजाआड करण्यात यश आले. संतोष रमेश लमाणी आणि जाकीर शहा असे अटक करण्यात आलेल्या संशयितांची नावे आहेत. 80 मीटर 30 कोर सिग्नल केबल चोरी केल्याप्रकरणी गुन्हा दाखल करण्यात आला आहे.

करमळी रेल्वे कॉलनीतून चोरी करण्यात आलेल्या रेल्वेच्या सिग्नल केबल पोलिसांनी जप्त केल्या असून पोलिस पुढील तपास करीत आहेत.