Arvind Kejariwal on Summon by Goa Police: गोवा पोलिसांनी दिल्लीचे मुख्यमंत्री आणि आम आदमी पक्षाचे राष्ट्रीय संयोजक अरविंद केजरीवाल यांना 27 एप्रिल रोजी चौकशीसाठी हजर राहण्याचे निर्देश समन्स पाठवून दिले आहेत. त्यावर आज, शुक्रवारी अरविंद केजरीवाला यांनी प्रतिक्रिया दिली आहे.
प्रसारमाध्यमांनी केजरीवाल यांना या समन्सबाबत विचारले असता, केजरीवाल म्हणाले की, या प्रकरणाच्या चौकशीसाठी मी नक्की जाईन.
उत्तर गोव्यातील पेडणे पोलिसांनी केजरीवाल यांना हे समन्स बजावले आहे. पेडणे पोलीसांनी केजरीवाल यांना सीआरपीसी कलम 41 (ए) अंतर्गत नोटीस बजावली आहे. राज्यातील मालमत्तेचे विद्रूपीकरण केल्याचे पोलिसांच्या तपासाात दिसून आले आहे.
याप्रकरणाची चौकशी करण्यासाठी केजरीवाल यांना समन्स बजावल्याचे नोटीसमध्ये म्हटले आहे. पोलिसांनी केजरीवाल यांना 27 एप्रिल रोजी सकाळी 11 वाजता पेडणे पोलिस ठाण्यात हजर राहण्यास सांगितले आहे. दरम्यान, याच प्रकरणात गोवा आम आदमी पार्टीचे गोवा प्रमुख अमित पालेकर यांनाही नोटीस बजावली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.