रोहित मोन्सेरात पुन्हा पणजीच्या महापौरपदी बसण्यासाठी सज्ज

पणजी : पणजी महापालिकेच्या महापौर आणि उपमहापौरपदासाठी आज बुधवारी 30 मार्च रोजी निवडणूक होणार आहे. यातील महापौर पदासाठी रोहित मोन्सेरात, तर उपमहापौर पदासाठी संजीव नाईक यांचा प्रत्येकी एकच अर्ज आल्यामुळे त्यांची बिनविरोध निवड निश्‍चित मानली जात आहे. त्यामुळे रोहित मोन्सेरात यांच्या नावाची केवळ औपचारिक घोषणाच बाकी असल्याचं चित्र आहे. (Rohit Monserratte News Updates)

पणजी (Panjim) पालिकेच्या महापौरपदासाठी विरोधकांतर्फे एकही अर्ज आलेला नाही अशी माहिती पालिकेच्या अधिकाऱ्यांनी दिली आहे. आमदार बाबूश मोन्सेरात (Babush Monserratte) यांचे पुत्र रोहित मोन्सेरात यांनी महापौरपदासाठी पुन्हा अर्ज सादर केला आहे. मात्र त्यांच्याविरोधात एकही अर्ज न आल्याने रोहित हेच पुन्हा पणजीच्या महापौरपदी बसणार हे जवळपास निश्चित झालं आहे. (Panjim Mayor Election News)

पणजी महापालिकेचे विद्यमान उपमहापौर वसंत आगशीकर यांनी अर्ज दाखल केलेला नाही. त्यांच्या जागी संजीव नाईक यांनी उपमहापौरपदासाठी अर्ज केला आहे. ही निवडणूक (Election) महापालिकेच्या सभागृहात सकाळी 11 वाजता होणार आहे. आमदार मोन्सेरात समर्थक गटाकडे 25 नगरसेवक आहेत. तर विरोधी नगरसेवकांची संख्या फक्त 5 आहे.