Goa Monsoon Update 2023: सध्या राज्यात पावसामुळे सर्वत्र धुमशान घातले आहे. यामुळे अनेक रस्ते पाण्याखाली गेले असून रस्त्यांची दुर्दशा झाली आहे. मडगावमध्ये गेल्याच वर्षी रस्त्यांचे काम करण्यात आले होते. मात्र हेच रस्ते पावसामुळे पूर्ण खराब झाले आहेत. आता सार्वजनिक बांधकाम खात्याला हे रस्ते पुन्हा एकदा दुरुस्त करावे लागणार आहेत.
पेट्रोल पंपाजवळील क्लब हार्मोनियाजवळून मडगाव शहरात येण्यासाठी रस्त्याचा झालेली वाईट अवस्था पाहून वाहनचालकांनी नाराजी व्यक्त केली आहे. मुसळधार पावसामुळे रस्त्याची दुर्दशा झाली असली तरी PWD ने खराब झालेल्या रस्त्याच्या दुरुस्तीसाठी त्वरीत हालचाल केली नाही तर हा रस्ता अपघात प्रवण होण्याची भीती वाहनचालकांनी व्यक्त केली आहे.
“दररोज पडणाऱ्या पावसाने रस्ता वाहून जात आहे. ताबडतोब दुरुस्त न केल्यास, संपूर्ण रस्ता वाहून जाऊ शकतो आणि रस्त्यावर वाहन चालवणे कठीण होऊ शकते", असे मत एका दुचाकीस्वाराने व्यक्त केले.
दरम्यान, राज्यात सुरू असलेल्या मुसळधार पावसामुळे पारोडा केपे येथील पूल पाण्याखाली गेला आहे. यामुळे मडगाव - केपे मार्गावरील वाहतुकीवर परिणाम झाला आहे. सुरक्षेच्या दृष्टीकोनातून हा मार्ग वाहतुकीसाठी आणि नागरिकांसाठी बंद करण्यात आला आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
