फोंडा: रेव्होल्युशनरी गोवन्सतर्फे बेरोजगार युवकांना रोजगार उपलब्ध करून देण्यासाठी खास प्रशिक्षण वर्गांचे आयोजन करण्यात आले आहे. या उपक्रमातील दुचाकी मॅकेनिक प्रशिक्षण वर्गाला प्रारंभ होत असून त्यासंबंधीची माहिती फोंड्यात घेतलेल्या पत्रकार परिषदेत देण्यात आली. यावेळी आरजीचे विश्‍वेश नाईक, मयुर आर्सेकर व सनिष तिळवे आदी उपस्थित होते.
दहा युवकांनी या प्रशिक्षण वर्गात प्रवेश घेतला असून त्यांना बंगलोर येथे हे तीन महिन्यांचे प्रशिक्षण दिले जाईल. एसकेएफ बेअरिंग आस्थापनातर्फे हे प्रशिक्षण पुरस्कृत करण्यात आले असून गटाला थेट रोजगाराची संधी मिळणार आहे. आठवी उत्तीर्णांना तसेच पंचवीस वयोगटापर्यंतच्या प्रशिक्षणार्थींना प्रवेश देण्यात आला असून त्यांना बंगलोर येथील प्रशिक्षणासंबंधीची आगाऊ माहिती देण्यात आली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
