Goa Politics: विरोधी पक्षातून ‘आरजी’ बाहेर! भाजपला पूरक घेतली भूमिका; 2027 ला मोजक्याच जागा लढवणार

Revolutionary Goans BJP Support: भाजपविरोधात विरोधक एकवटत असल्याचे चित्र निर्माण होत असतानाच सत्ताधारी भाजपला पूरक अशी भूमिका रिव्होल्युशनरी गोवन्सने घेतल्याचे दिसून येते.
Goa Politics: विरोधी पक्षातून ‘आरजी’ बाहेर! भाजपला पूरक घेतली भूमिका; 2027 ला मोजक्याच जागा लढवणार
Revolutionary Goans | Manoj ParabDainik Gomantak
Published on
Updated on

पणजी: भाजपविरोधात विरोधक एकवटत असल्याचे चित्र निर्माण होत असतानाच सत्ताधारी भाजपला पूरक अशी भूमिका रिव्होल्युशनरी गोवन्सने घेतल्याचे दिसून येते. विरोधकांची बेकी सत्ताधाऱ्यांच्या पुन्हा एकदा पथ्यावर पडेल हेही स्पष्ट झाले आहे.

विरोधी पक्षांच्या आघाडीतून रिव्होल्युशनरी गोवन्स पक्ष (आरजी) बाहेर पडल्याचे पक्षाचे प्रमुख मनोज परब यांनी पत्रकार परिषदेत जाहीर केले आणि आज यावर शिक्कामोर्तब झाले. भू माफियांपासून गोमंतकीयांच्या जमिनी सुरक्षित ठेवत गोव्याची (Goa) अस्मिता जपण्यासाठी रिव्होल्युशनरी गोवन्स पक्ष नव्याने कार्य सुरू करणार आहे. गोमंतकीयांच्या हितासाठी पक्ष कोणतीही तडजोड करीत नाही, त्यामुळेच हा निर्णय घेतल्याची सारवासारव त्यांनी केली आहे.

Goa Politics: विरोधी पक्षातून ‘आरजी’ बाहेर! भाजपला पूरक घेतली भूमिका; 2027 ला मोजक्याच जागा लढवणार
Goa Politics: सावंत सरकारला घेरण्यासाठी विरोधकांची रणनीती! विधानसभा संकुलातील विरोधी पक्षनेत्यांच्या बैठकीत खलबतं

पक्षाच्या कार्यकर्त्यांची मते जाणून घेतल्यानंतर येत्या विधानसभा निवडणुकीत निवडक जागा लढविण्याचा निर्णय पक्षाने घेतला असल्याचे त्यांनी स्पष्ट केले. यामुळे विधानसभा निवडणुकीत विरोधकांच्या मत विभागणीचा फायदा भाजप मगो युतीला होणार हेही आता कळून चुकले आहे.

वीरेश बोरकर ‘आरजी’ सोबत ः परब

परब म्हणाले, मागील विधानसभा निवडणुकीत पक्षाने ३८ जागा लढविल्या, त्यावर पक्षाचे १७ लाख खर्च झाले. आमदार वीरेश बोरकर हे आरजी सोबतच आहेत. विधानसभेत त्यांनी राज्याचे प्रश्न प्रभावीपणे मांडले आहेत. त्यांना इतर विरोधी आमदारांची अजिबात साथ लाभली नाही. दिल्ली विधानसभा निवडणुकीत भाजप (BJP) विरोधात असलेले आप व काँग्रेस हे एकमेकांवर आरोप प्रत्यारोप करत आहेत. गोमंतकीयांच्या जमिनी व अस्मिता सुरक्षित ठेवण्यासाठीचा लढा चालू ठेवण्यासाठीच इतर विरोधी पक्षांपासून वेगळेच राहण्याचा निर्णय पक्षाने घेतला आहे.

Goa Politics: विरोधी पक्षातून ‘आरजी’ बाहेर! भाजपला पूरक घेतली भूमिका; 2027 ला मोजक्याच जागा लढवणार
Goa Politics: वीरेश बोरकर म्हणतात, 'मी विरोधी पक्षाचा भाग नाही', आलेमाव म्हणतात 'ते' आहेत; अधिवेशनापूर्वी विरोधक विस्कटले

आमदार वीरेश विरोधी पक्षातच : युरी

आमदार वीरेश बोरकर विरोधी पक्षात आहेत. आपणास विश्वास आहे की त्यांनी राज्यातील विविध मुद्दे प्रखरपणे मांडले आहेत. आमच्यात राजकीय मतभेद असू शकतात, पण ते मतभेद बाजूला ठेवून गोव्याच्या हिताचे प्रश्न मांडणे गरजेचे आहे. आमच्याकडे मर्यादित वेळ आहे आणि आपण सर्वांनी एकजूट राहून गोव्याचे प्रश्न मांडले पाहिजेत, असे विरोधी पक्षनेते युरी आलेमाव यांनी म्हटले आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com