Goa Politics: सावंत सरकारला घेरण्यासाठी विरोधकांची रणनीती! विधानसभा संकुलातील विरोधी पक्षनेत्यांच्या बैठकीत खलबतं

Opposition Targets Government In Goa: सुमार कामगिरीवरून सरकारला घेरण्यासाठी विरोधकांनी विधानसभा अधिवेशनासाठी रणनीती निश्चित केली आहे.
Goa Politics: सावंत सरकारला घेरण्यासाठी विरोधकांची रणनीती! विधानसभा संकुलातील विरोधी पक्षनेत्यांच्या बैठकीत खलबतं
Yuri Alemao Dainik Gomantak
Published on
Updated on

पणजी: सुमार कामगिरीवरून सरकारला घेरण्यासाठी विरोधकांनी विधानसभा अधिवेशनासाठी रणनीती निश्चित केली आहे. विरोधी पक्षनेते युरी आलेमाव यांच्या विधानसभा संकुलातील कक्षात यासाठी विरोधी आमदारांनी एक बैठक घेतली. या बैठकीला आलेमाव यांच्यासह गोवा फॉरवर्डचे अध्यक्ष तथा आमदार विजय सरदेसाई, आमदार एल्टन डिकॉस्ता, कार्लुस आल्मेदा, ‘आप’चे वेन्झी व्हिएगस उपस्थित होते.

‘आरजी’चे आमदार वीरेश बोरकर हे विरोधकांसोबत आहेत का, अशी विचारणा आलेमाव यांना करण्यात आली. कारण या बैठकीला ते उपस्थित नव्हते. त्यावर आलेमाव म्हणाले, सत्ताधारी किंवा विरोधक असे दोनच गट असतात. ते विरोधातच आहेत. विरोधात नसतील तर सत्ताधारी गटात असावे लागतील. कारण अन्य तिसरा गट नसतो.

आझाद मैदानावर अधिवेशन भरवा

विजय सरदेसाई (Vijai Sardesai) यांनी सांगितले की, केवळ दोनच दिवसांचे अधिवेशन घेण्याचा सरकारी निर्णय म्हणजे लोकशाहीची थट्टा आहे. मला वाटते, त्यात सहभागी होऊ नये; कारण आपण त्यात सहभागी होणे म्हणजे त्याला साथ देण्यासारखे आहे. मात्र, विरोधी पक्षाने सहभागी होण्याचे ठरविल्याने मीही सहभागी होणार आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com