रिव्हॉल्युशनरी गोवन्सची चौथी यादी जाहीर

पणजी : रिव्हॉल्युशनरी गोवन्स पक्षाने गोवा विधानसभा निवडणुकीसाठी उमेदवारांची चौथी यादी जाहीर केली आहे. यापूर्वी जाहीर केलेल्या तीन याद्यांमध्येही मूळच्या गोमंतकीय उमेदवारांना संधी दिल्याचं पक्षाने स्पष्ट केलं आहे. चौथ्या यादीत रिव्हॉल्युशनरी गोवन्स पक्षाने 7 उमेदवारांची नावं जाहीर केली आहेत.

चौथ्या यादीत रिव्हॉल्युशनरी गोवन्सकडून (Revolutionary Goans) शिवोलीत गौरेश मांद्रेकर, फातोर्ड्यातून व्हॅलेरी फर्नांडिस, बेणावलीतून डेसमंड फर्नांडिस, पर्ये मतदारसंघातून समीर सत्तरकर, वास्कोतून (Vasco) आंद्रे सेबॅस्टिओ व्हिएगस, दाबोळीतून गौऱीश अनंत बोरकर, आणि केपे मतदारसंघातून विशाल देसाई यांना उमेदवारी जाहीर करण्यात आली आहे.

दरम्यान गोवा विधानसभा निवडणुकीसाठी (Goa Assembly Election) याआधी जाहीर केलेल्या यादीत रिव्हॉल्युशनरी गोवन्सने सांतआंद्रेमधून विरेश बोरकर, प्रियोळमधून विश्वेश नाईक, मयेमध्ये श्रीकृष्ण परब, मांद्रेमधून सुनयना गावडे, कुडचडे मतदारसंघात आदित्य देसाई, कुडतरीतून रूपर्ट पेरेरा, नुवेमध्ये अरविन डिकॉस्टा, कळंगुटमध्ये फ्रान्सिस्को गोन्साल्वीस, कुंकळ्ळीत विल्सन कार्दोज यांना उमेदवारी दिली होती.