सत्तेला माज चढला की निर्बंध लादले जातात : दामोदर मावजो

मुंबई : सत्तेला माज चढला की निर्बंध लादले जातात असे परखड मत कोकणी साहित्यिक ज्ञानपीठ पुरस्कार विजेते दामोदर मावजो यांनी व्यक्त केले. साहित्य संमेलनाचे प्रमुख पाहूणे म्हणून बोलत होते. साहित्यामध्ये सत्ताधाऱ्यांना चिअर्स करणारे अनेक चिअर्स लीडर्स तयार झाले आहेत. हे चिअर्स लीडर्स सत्ताधाऱ्यांच्या चुकीच्या कृतीलाही प्रोत्साहन देत आहेत असे ही ते यावेळी म्हणाले.(Restrictions are imposed when power rises: Damodar Mawjo)

यावर पुढे बोलताना ते म्हणाले कि, साहित्य हे कालानुरुप बदलणारे असते. त्यामूळे आवडत नाही म्हणून साहित्य जाळणे, अशा साहित्यावर बंदी घालणे योग्य नाही. आणीबाणीला साहित्यिकांनी प्रखर विरोध केला होता. दुर्दैवाने आज ते धाडस कोण ही दाखवत नाही. हे वेदनादायी असल्याचं ही ते यावेळी म्हणाले. तसेच लेखक हा बंडखोरच असला पाहीजे तो घाबरट असू नये असे ते म्हणाले. तसेच पुढचे संमेलन गोव्यात घ्या. सहकार्य करू. सर्व वाद संवादातूनच मिटतील, असा विश्वासही त्यांनी व्यक्त केला.

या कार्यक्रमात बोलताना सार्वजनिक बांधकाममंत्री अशोक चव्हाण यांनी बोलताना मराठवाडा ही संतांची आणि चळवळीची भूमी आहे. मराठवाडय़ात तेलगू, उर्दू, कन्नड, मराठी भाषा बोलल्या जात असल्या तरी येथे मराठी भाषेचा दबदबा आहे. मराठी भाषेला अभिजात भाषेचा दर्जा देण्यासाठी राजकीय इच्छाशक्तीची गरज असल्याच मत व्यक्त केले.

साहित्य हे व्यावहारिक, आध्यात्मिक आणि वैज्ञानिक अशा विविध पद्धतीचे असू शकते. इतर भाषांतील ग्रंथ मराठीत यावेत. कुराण, बायबल, उपनिषदे यांसारखी अजरामर साहित्य निर्माण व्हावीत. येणारा काळ हा डिजिटल आहे. त्यामुळे डिजिटल स्वरूपात साहित्य निर्माण व्हावे, असे मत माजी केंद्रीय गृहमंत्री शिवराज पाटील चाकूरकर यांनी व्यक्त केले. असे असले तरी एकूणच साहित्य संमेलन वेगवेगळ्या मुद्यांनी चर्चेत आलं आहे. तर साहित्य संमेलनात वेगवेगळ्या मुद्यांवरुन उफाळलेला वाद हा साहित्यप्रेमींच्या जिव्हारी लागणारा होता.