Castle Rock-Caranzol: कॅसलरॉक-करंझोळ रेल्वे मार्ग पूर्ववत; रेल्वे रुळाची चाचणी पूर्ण

Castle Rock-Caranzol: मागील महिन्याभरात धुव्वाधार पावसाने राज्यभरात थैमान घातले होते. यामुळे ठीकठिकाणी पडझडीच्या घटना घडल्या असून अनेक ठिकाणी दरडीही कोसळल्या होत्या.

काही दिवसांपूर्वी कॅसलरॉक - करंझोळ रेल्वे मार्गावर भूस्खलन झाले होते. त्यामुळे काही ट्रेन्स रद्द झाल्या होत्या तर काही निश्चित स्थानकाच्या पूर्वी थांबवल्या होत्या. दरम्यान आता हा रेल्वे ट्रॅक सुरळीत करण्यात आला आहे.

रेल्वे मार्गावरील दरड हटवण्यात यंत्रणेला यश आले असून, रेल्वेमार्ग सुरळीत करण्यात आला आहे. तसेच रेल्वेमार्गाची एक चाचणीही पूर्ण करण्यात आली असल्याचे अधिकाऱ्यांनी सांगितले आहे.

जेव्हा दरड कोसळली होती, तेव्हा 25 जुलै रोजी सुटणारी वास्को-द-गामा यशवंतपूर ट्रेन नबर 17310 देखील रद्द करण्यात आली आहे. अशी माहिती दक्षिण पश्चिम रेल्वे विभागाच्या वतीने देण्यात आली होती.

आता लवकरच या मार्गावरून ट्रेन पूर्ववत सुरू होणार आहेत.