कॅसलरॉक - करंझोळ रेल्वे मार्गावर भूस्खलन, एक ट्रेन्स रद्द तर काही निश्चित स्थानकापूर्वी थांबणार

कॅसलरॉक - करंझोळ रेल्वे मार्गावर भूस्खलन झाल्याने काही ट्रेन्स रद्द निश्चित स्थानकाच्या पूर्वी थांबवल्या जातील तर एक ट्रेन रद्द करण्यात आली आहे. यामुळे 25 जुलै रोजी सुटणारी वास्को-द-गामा यशवंतपूर ट्रेन नबर 17310 रद्द करण्यात आली आहे. अशी माहिती दक्षिण पश्चिम रेल्वे विभागाच्या वतीने देण्यात आली आहे.

निश्चित स्थानकापूर्वी थांबणाऱ्या ट्रेन्स

25 जुलै रोजी सुटणारी यशंवतपूर ते वास्को-द-गामा दरम्यान धावणारी ट्रेन वास्को ऐवजी हुबळी येथे थांबेल. तर, 24 जुलैची हजरत निजामुद्दीन एक्सप्रेस वास्को ऐवजी बेळगाव येथे थांबेल अशी माहिती रेल्वे खात्याने दिली आहे.

मंगळवारी वास्कोहून निघालेली वास्को-हजरत निजामुद्दीन एक्स्प्रेस सावर्डे, मडगाव, माजोर्डा, रोह, पनवेल, कल्याण त्यानंतर कुळे ऐवजी मनमाड येथून जाईल, त्यानंतर कॅसलरॉक, लोंडा, बेळगाव, घटप्रभा, रायबाग, कुडची, मिरज. सांगली, कराड, सातारा, पुणे, दौंड, अहमदनगर, बेलापूर आणि कोपरगाव.

दरम्यान, रेल्वे ट्रॅक मोकळा करण्यासाठी याठिकाणी यंत्रे सक्रिय करण्यात आली असून, मार्ग लवकरच मोकळा होईल अशी माहिती समोर आली आहे.