Goa Flood: विद्यार्थ्यांची होडीतून सुटका! गावांचा संपर्क तुटला

Goa Rain: अग्निशामक दल तसेच आपत्ती निवारण विभागातर्फे होडीची तरतूद करण्यात आली
Goa Rain: अग्निशामक दल तसेच आपत्ती निवारण विभागातर्फे होडीची तरतूद करण्यात आली
Goa Flood Dainik Gomantak
Published on
Updated on

फोंडा: संततधार पावसामुळे फोंडा तसेच धारबांदोडा तालुक्यात मोठी पडझड झाली. तिराळ-उसगाव येथे तर रस्ता पूर्णपणे पाण्याखाली गेल्याने लोकांचा गावाशी असलेला संपर्क तुटला, अखेर होडीतून विद्यार्थी तसेच ग्रामस्थांना त्यांच्या घरी सुखरूप पोचवण्यात आले.

संततधार पावसामुळे सगळीकडे पाणीच पाणी झाले होते. नदी नाले तुडुंब भरून वाहताना दिसले तर शेती जलमय झाली होती. फोंडा तसेच धारबांदोडा तालुक्यात अनेक ठिकाणी झाडे कोसळली. अग्निशामक दल तसेच स्थानिकांनी ही झाडे हटविली.

तळावली भागात एक संरक्षक भिंत कोसळली. खांडेपार तसेच बेतोडा भागात मोठी पडझड झाली असून तिराळ - उसगाव येथील मेडितेंबी भागात रस्त्यावरून पाणी आरपार झाल्याने गावाचा संपर्क तुटला.

सकाळी शाळा, विद्यालयात गेलेली मुले तसेच ग्रामस्थ अडकून पडल्यानंतर अग्निशामक दल तसेच आपत्ती निवारण विभागातर्फे होडीची तरतूद करण्यात आली व पंधरा विद्यार्थी तसेच इतर ग्रामस्थांना या होडीतून सुखरूप घरी पोचवण्यात आले.

स्थानिक पंचसदस्य राजेंद्र नाईक यांनी यावेळी लोकांच्या सुरक्षेसाठी मोठे प्रयत्न केले. अग्निशामक दलाचे अधिकारी सुशील मोरजकर यांनी दलाच्या जवानांसह या कामी मोठा सहयोग दिला.

Goa Rain: अग्निशामक दल तसेच आपत्ती निवारण विभागातर्फे होडीची तरतूद करण्यात आली
Goa Rain Upadate: पावसाने मोडले १२४ वर्षांचे रेकॉर्ड! मोठ्या प्रमाणात नुकसान

उसगाव पंचायत मंडळाशी अधिकाऱ्यांची चर्चा

मुर्डी - खांडेपार येथेही पूरस्थिती निर्माण झाली होती. दक्षिण गोव्याचे जिल्हाधिकारी आश्‍विन चंद्रू यांनी अतिरिक्त जिल्हाधिकारी विशाल कुंडईकर, फोंड्याचे उपजिल्हाधिकारी शुभम नाईक, फोंडा मामलेदार भिकू गावस, फोंडा अग्निशामक दलाचे प्रमुख अजित कामत, जलस्रोत खात्याचे तसेच सार्वजनिक बांधकाम खात्याच्या अधिकाऱ्यांनी मुर्डी - खांडेपार तसेच उसगाव भागाला भेट देऊन तेथील स्थितीची पाहणी केली. यावेळी उसगाव पंचमंडळासोबत बैठक घेऊन जिल्हाधिकाऱ्यांनी सुरक्षेबाबत सूचनाही केल्या.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com