Goa Ferry Boat : पेडणे तसेच बार्देश या दोन्ही तालुक्यांना जवळच्या अंतराने जोडणाऱ्या तसेच शापोरा नदीमार्गे प्रवासी वाहतूक करणाऱ्या कामुर्ली-तुयें जलमार्गावरील फेरीबोट सेवा 15 दिवसांसाठी बंद ठेवण्यात येणार आहे. याबाबतचे आदेश नदी जलवाहतूक विभागाने दिले आहेत.
पेडणे तालुक्यातील शेकडो लोक कामाधंद्याच्या निमित्ताने म्हापसा ते पणजी शहराकडे नियमित स्वरूपात ये जा करत असतात. हे चाकरमानी लोक फेरीबोट सेवेचा वापर करतात.
याबाबत नदी जलवाहतूक विभागाने कळविले आहे की, कामुर्ली-तुयें मार्गावरील कामुर्ली फेरीच्या फेरी रॅम्पच्या दुरुस्तीमुळे 19 एप्रिल 2023 पासून पुढील 15 दिवसांसाठी फेरीबोट सेवा बंद करण्यात आली आहे.
पेडणे तालुक्यातील शेकडो लोक कामाधंद्याच्या निमित्ताने म्हापसा ते पणजी शहराकडे नियमित स्वरूपात ये जा करत असतात. तथापि, पत्रादेवी ते म्हापशापर्यंतच्या महामार्गाचे रुंदीकरण तथा नूतनीकरण केले जात असल्याने तालुक्यातील बहुतेक चाकरमानी लोक म्हापसा शहराकडे ये - जा करण्यासाठी कामुर्ली-तुये जलमार्गावरील फेरीबोट सेवेचा उपयोग करीत असतात.
म्हापसा-पणजी शहराकडे येणारा चोपडे - शिवोलीचा दुसरा मुख्य रस्ता लांब पल्ल्याचा असल्याने बहुतेकांची येथील कामुर्ली-तुये जलमार्गालाच अधिक पसंती असते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
