सध्या गोव्यात पर्यटन हंगाम सुरु झालाय. इथल्या समुद्रकिनाऱ्यांचा आनंद लुटण्यासाठी देश विदेशीचे पर्यटक गोव्यात दाखल होत आहेत. आलेल्या पर्यटकांच्या सुरक्षिततेच्या दृष्टीने सरकारने समुद्री सुरक्षारक्षक तैनात केले आहेत.
मागील काही दिवसांत या सुरक्षा रक्षकांनी स्वतःचा जीव धोक्यात घालून अनेकांचे प्राण वाचवल्याच्या बऱ्याच घटना घडल्या आहेत. (Drishti Lifesavers Rescue)
गोव्यातील समुद्रकिनारी जाणाऱ्यांची सुरक्षा करण्यासाठी दृष्टी लाइफसेव्हर्स किनाऱ्यावर तैनात आहेत. या लाइफसेव्हर्सनी काणकोण येथील पाळोळे समुद्रात कयाकिंग करताना कोलकाता येथील व्यक्तीचा जीव वाचवला आहे.
तर कळंगुट समुद्रकिनाऱ्यावर तैनात असलेल्या दृष्टी लाइफसेव्हर्सनी हैदराबादमधील दोन व्यक्तींना जीव धोक्यात घालून वाचवले.
दरम्यान तेथील जीवरक्षकांनी त्या दोघांनाही समुद्रात न जाण्याचे आवाहन केले होते असे असून देखील ते अतिउत्सही पर्यटक समुद्रात गेले आणि मोठ्या लाटेच्या तडाख्यात सापडले.
कळंगुट समुद्रकिनाऱ्यावर तैनात असलेले दृष्टीचे जीवनरक्षक सिद्धेश आणि सुजन यांना या घटनेची माहिती मिळताच त्यांनी रेस्क्यू ट्यूब आणि सर्फबोर्डच्या साहाय्याने या दोघांना सुखरूप किना-यावर आणले.
हणजूण समुद्रकिनारी देखील अशीच एक घटना घडली असून यात दिल्लीतील एका 38 वर्षीय व्यक्तीला खोल समुद्रातून वाचवण्यात यश आलं आहे. हि व्यक्ती आपल्या अन्य साथीदारांसोबत खोल समुद्रात बोटिंग करीत होती.
समुद्रातील एका मोठी लाट त्यांना धडकल्यावर त्या लाटेमुळे ते एकमेकांपासून दूर खेचले गेले. परिणामी त्या व्यक्तीला परत किनाऱ्यावर आणण्यासाठी बचावकार्य करण्यात आले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
