काणकोण: काणकोण मतदारसंघात 59 बूथ असून कार्यकर्त्यांनी एकजुटीने पक्षातर्फे देण्यात आलेला उपक्रम यशस्वी करण्यासाठी 100 टक्के योगदान दिले पाहिजे. पुढील दहा दिवसांत आपल्याला प्रामुख्याने तीन उपक्रम यशस्वी करावयाचे आहेत. तळागाळातील घटकाला आपले माना, त्यांच्या सुखदु:खात सहभागी व्हा, असे आवाहन आमदार तथा सभापती रमेश तवडकर यांनी केले.
श्रीस्थळ-काणकोण येथील पंचायत सभागृहात आज रविवारी भाजप मंडळातर्फे घेण्यात आलेल्या बूथ प्रमुख कार्यकर्ता मेळाव्यात मार्गदर्शन करताना तवडकर बोलत होते. यावेळी मंडळाचे अध्यक्ष विशाल देसाई, सरचिटणीस दिवाकर पागी, उपाध्यक्ष शाबा नाईक गावकर, उपनगराध्यक्ष अमिता पागी, नगरसेवक हेमंत नाईक गावकर, रमाकांत नाईक गावकर, सारा देसाई, एन. फर्नांडिस, प्रदेश भाजपा सदस्य चंदा देसाई, दक्षिण गोवा उपाध्यक्ष महेश नाईक, द. गो. सरचिटणीस मनुजा नाईक गावकर, महिला मोर्चा अध्यक्ष वृंदा सतरकर हजर होत्या.
दरम्यान, दि. 6 एप्रिल रोजी राज्यपाल पी. एस. श्रीधरन पिल्लई हे काणकोण दौऱ्यावर येणार असून किडणी रुग्णांना सहाय्य करणार आहेत. याचा लाभ जास्तीत जास्त गरजूंना व्हावा अशी व्यवस्था कार्यकर्त्यांकडून व्हावी अशी अपेक्षा तवडकर यांनी व्यक्त केली. प्रारंभी भाजप मंडळाचे अध्यक्ष विशाल देसाई यांनी स्वागत केले. सरचिटणीस दिवाकर पागी यांनी पक्षाच्या कार्यक्रमांसंबंधी माहिती दिली तर रमाकांत नाईक गावकर यांनी सिद्धार्थ देसाई यांनी सूत्रसंचालन केले. सचिव विशांत गावकर यांनी आभार मानले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
