वास्को: संरक्षक भिंतीचे काम करताना रेल्वे महामंडळाच्या कंत्राटदाराने काही थडग्यांचे नुकसान केल्याने वास्को कब्रस्तान परिसरात काही काळ तणावाचे वातावरण होते.
याठिकाणी जेसीबीच्या साहाय्याने जमीन खोदण्याचे काम सुरू होते. त्यावेळी कब्रस्तानात मृतात्म्यांसाठी प्रार्थना करण्यासाठी गेलेल्या एक व्यक्तीला काही थडग्यांची मोडतोड झाल्याचे दिसून आले. त्याने त्या प्रकाराचा व्हिडिओ तयार केला. या प्रकाराची माहिती मुस्लिम बांधवांना देताच त्यांचा एक गट घटनास्थळी धावत आला. त्यांनी पोलिसांनाही बोलावून कंत्राटदाराने निष्काळजीपणा केल्याची माहिती दिली. पोलिसांनी रेल्वे अधिकाऱ्यांच्या उपस्थितीत पाहणी करण्याचा सल्ला दिला.
आज संयुक्त पाहणी: टेकडीवरून दगड येऊन कब्रस्तानातील कबरींचे नुकसान होत असल्याने काम करताना काळजी घेण्याचा इशाराही ठेकेदाराला यापूर्वी दिला असल्याचे काही मुस्लिम बांधवांनी सांगितले. रविवारी संध्याकाळी संरक्षक भिंतीचे काम करताना काही कामगार जेसीबीच्या साहाय्याने माती हलवताना दिसले. सोमवारी वास्कोचे आमदार कृष्णा ऊर्फ दाजी साळकर, वास्कोचे माजी आमदार जुझे फिलिप डिसोझा, रेल्वे अधिकारी, पोलिस पाहणी करणार आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
