काणकोण: अन्न, वस्त्र निवारा याबरोबरच शिक्षण व आरोग्य या प्रमुख गरजा आहेत. सध्या राज्यात अन्न, वस्त्र निवारा या मूलभूत गरजांबाबतीत सर्वच समाधानी आहेत; मात्र आरोग्य व शिक्षण याबाबतीत जागृती होण्याची गरज असल्याचे मत सभापती रमेश तवडकर यांनी व्यक्त केले.
आरोग्य मेळाव्याच्या उद्घाटनावेळी तवडकर बोलत होते. यावेळी आरोग्याधिकारी डॉ. स्नेहा आमोणकर, काणकोणचे मामलेदार मनोज कोरगावकर, गटविकास अधिकारी अनिल नाईक, नगरसेवक हेमंत नाईक गावकर, नर्सिसो फर्नांडिस, अमिता पागी, सारा देसाई, आरोग्य शिक्षक भाऊसाहेब राणे, बालविकास अधिकारी आकांक्षा नाईक गावकर, डॉ. तावारीस, शिक्षणाधिकारी मोतीलाल नाईक गावकर आदी उपस्थित होते.
काणकोण सामाजिक आरोग्य केंद्रात आरोग्य संचालनालयाने गोवा वैद्यकीय महाविद्यालय व दंत महाविद्यालयाच्या सहकार्याने आयोजित केलेल्या आरोग्य मेळाव्याचा ८१५ रुग्णांनी लाभ घेतला. आरोग्य मेळाव्याचा तालुक्यातील अंतर्गत भागातील रहिवाशांना लाभ घेता यावा म्हणून प्रत्येक पंचायत क्षेत्रातून रुग्णांची ने-आण करण्यासाठी बालरथांची सोय करण्यात आली होती.
यावेळी सामाजिक आरोग्य केंद्रातर्फे डॉ. नवज्योत हळर्णकर यांच्या हस्ते तवडकर यांचा गौरव करण्यात आला. विजया केंकरे, दीपाली नाईक, किशोरी कोमरपंत, अभया मुडकुडकर, मंजिता काणकोणकर यांनी स्वागत केले. डॉ. दिवाकर वेळीप व प्रशांत देविदास यांनी संयोजन केले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
