Goa Rain: गोव्यात आज, शनिवारी सकाळी पावसाला सुरवात झाली. पणजी शहरात थांबून थांबून पाऊस होत आहे. दरम्यान, पहिल्याच पावसात ठिकठिकाणी पाणी साचले असून काही ठिकाणी झाडे कोसळली आहेत.
कळंगुटमध्ये एका घरावर झाड पडून त्या घराचे सुमारे दोन लाख रूपयांचे नुकसान झाले आहे.
कळंगुटमध्ये शांतादुर्गा मंदिराजवळ सकाळी सव्वा अकराच्या सुमारास गोकुळदास साळगावकर आणि विष्णु साळगावकर यांच्या घरावर आंबाड्याचे झाड (हॉग प्लम ट्री) कोसळले. सुदैवाने यात कोणतीही जीवीतहानी झालेली नाही.
पण सर्व संसारोपयोगी साहित्याचे नुकसान झाले आहे. छत उघडे पडल्याने साळगावकर कुटूंबाचा संसार उघड्यावर पडला आहे. साळगावकर कुटूंबांना राज्य सरकारकडून नुकसान भरपाई होत आहे.
अग्निशमन दलाने तत्काळ घटनास्थळी धाव घेतली. अग्निशमन दलाने या दुर्घटनेत साळगावकर यांचे दोन लाख रूपयांचे नुकसान झाले आहे. हे झाड 40 वर्षे जुने आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.