फोंडा भागात वजनमाप खात्याची थेट कारवाई

फोंडा: फोंड्यातील वजन माप खात्याच्या अधिकाऱ्यांनी गेल्या चार दिवसांपासून तालुक्यातील विविध ठिकाणी जाऊन छापे टाकण्याचे सत्र सुरू केले असून सुरवातीला तिस्क - उसगाव व काल म्हार्दोळ, कुंकळ्ये, फर्मागुडी, बांदोडा, शिरोडा आदी भागात 23 दुकाने व आस्थापनांची तपासणी केली. (Raids on 23 shops Weight measurement department action in Ponda area)

विविध ठिकाणच्या छाप्यात सुमारे ऐंशी हजार रुपये किंमतीचा अवैधरीतीने विकला जाणारा माल ताब्यात घेण्यात आला.त्यात कडधान्य तसेच इतर साहित्याबरोबरच वजन काट्यांचाही समावेश आहे.

फोंडा (Ponda) वजन माप खात्याचे अधिकारी शुबर्ट डीकॉस्टा तसेच देमू मापारी, विकास कांदोळकर या अधिकाऱ्यांनी इतर कर्मचाऱ्यांसह हे छापे टाकले. 13 दुकानदारांकडे खात्याचा परवाना नसल्याचे आढळले. 4 कडधान्य दुकानांत वजन योग्य नसल्याचे आढळून आले. ही कारवाई वजनमाप अधिकारी अरुण पंचवाडकर व प्रसाद शिरोडकर यांच्या मार्गदर्शनाखाली करण्यात आली.