म्हापसा: धुळेर, म्हापसा येथे सेंट अँथनी शाळेत अज्ञातांनी नासधूस केल्याचा प्रकार उघडकीस आला आहे. शाळेतील खिडक्या आणि टीव्ही संच फोडल्या असून, विद्यार्थ्यांचे परीक्षेचे पेपर देखील जाळल्याचे समोर आले आहे. आज (शुक्रवारी) सकाळी हा प्रकार उघडकीस आला.
मिळालेल्या माहितीनुसार, धुळेर, म्हापसा येथे सेंट अँथनी शाळेत अज्ञातांनी तोडफोड केल्याचा प्रकार उघडकीस आला. पोलिसांनी घटनास्थळी धाव घेत शाळेचे पाहणी केली असता, मोठ्या प्रमाणावर नासधूस केल्याचे समोर आले. खबदराची उपाय म्हणून विद्यार्थ्यांना घरी पाठवण्यात आले आहे.
पोलिसांनी घटनास्थळी दाखल होत घटनेचा पंचनामा केला असून, अधिक तपास केला जात आहे. दरम्यान, अज्ञात चोरट्यांनी शाळेतून सीसीटीव्ही डीव्हीआर देखील पळवून नेला आहे. पोलिस सध्या घटनेचा प्रत्येक कोनातून तपास करत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.