चायनिज मांजाला गोव्यात बंदी, उल्लंघन केल्यास पाच वर्षाचा तुरुंगवास

पणजी: पंतग उडविण्यासाठी वापरण्यात येणाऱ्या धोकादायक चायनिज मांजावर गोवा सरकारने बंदी घातली आहे. धोकादायक धागा निर्मिती, विक्री तसेच, वापरावर गोव्या बंदी असेल. पंतग उडविण्यासाठी वापरण्यात येणाऱ्या या धाग्यामुळे पक्षी, प्राणी यासह लोकांना देखील याचा धोका उद्भवतो त्यामुळे बंदी घालण्याचा निर्णय प्रशासनाने घेतला आहे.

तात्काळ प्रभावाने शासनाने या धोकादायक धाग्याच्या वापरावर बंदी घातली आहे. नायलॉन, प्लास्टिक, सिंथेटीक पदार्थापासून निर्माण केलेला किंवा काच अथवा मेटलची कोटींग असलेल्या धागा वापरावर देखील बंदी घालण्यात आली आहे.

पंतग उडविण्यासाठी कॉटनच्या धागा वापरता येईल. दरम्यान तीक्ष्ण धार असलेल्या धागा वापरावर बंदी घालण्यात आलीय. धोकादायक ठरणाऱ्या धागा निर्मितीसाठी वापरण्यात येणारे पदार्थ विक्रीवर देखील बंदी घालण्यात आली आहे.

बंदी असताना देखील अशा प्रकारच्या धागा वापरताना किंवा विक्री करताना आढळून आल्यास पर्यावरण कायदा १९८६ अंतर्गत संबधितांवर कारवाई केली जाणार आहे. यात पाच वर्षे तुरुंगवास आणि दंडाचा समावेश आहे.