‘ब्रेस्ट कॅन्सर- ऑल देट यू नीड टू नो’ या स्तन कर्करोगासंबंधी संपूर्ण माहिती देणाऱ्या पुस्तकाचे प्रकाशन प्रसिद्ध कर्करोगतज्ज्ञ डॉक्टर डॉ. शेखर साळकर यांच्या हस्ते लोकार्पण करण्यात आले. हा सोहळा मडगाव येथील श्रीमती पार्वतीबाई चौगुले महाविद्यालयात शनिवारी संपन्न झाला.
या पुस्तकाचे संपादन प्रो. डॉ. नंदिनी वाझ फर्नांडिस, डॉ. प्रितेश कोते, रेजिना फर्नांडीस यानी केले आहे. डॉ. नंदिनी वाझ फर्नांडिस यांनी दहा संशोधन पेपर्स व दहा संशोधनात्मक प्रकल्प पूर्ण केले आहेत. ज्या महिलांना स्तन कर्करोगासंबंधी खोलवर माहिती पाहिजे त्यांच्यासाठी हे खास पुस्तक असल्याचे त्यांनी सांगितले.
स्तन कर्करोगासंबंधी माहिती जाणून घेण्यासाठी हे सर्वोत्तम पुस्तक असल्याचे डॉ. फिलीप मास्कारेन्हस यांनी सांगितले. चौगुले महाविद्यालयाचे उपप्राचार्य कुमरेश यांनी उपस्थितांचे आभार मानले. या सोहळ्याला डॉ. मेधा साळकर, डॉ. विनया कोते, डॉ. अनिशा कार्दोज, डॉ. प्रतिष्ठा नाईक कुंकळयेकर तसेच विद्यार्थी मोठ्या संख्येने उपस्थित होते.
माहितीपूर्ण पुस्तक
स्तन कर्करोगाची लक्षणे, त्याची वाढ, संभाव्य धोका, उपचार व्यवस्थापन यासंदर्भात संपूर्ण माहिती या पुस्तकात आहे. विषय परिपूर्णरित्या समजावा यासाठी चित्रांकनाची मदत घेण्यात आली आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.