मराठी भाषा ही विचार, आचार आणि संस्कार देणारी भाषा आहे, असे प्रतिपादन विठ्ठल प्रभूदेसाई यांनी पिळगाव येथे एका बोलताना केले. गोमंतक मराठी अकादमी आणि आयडियल हायस्कूल पिळगाव यांच्या संयुक्त विद्यमाने मराठी भाषा गौरव दिनी आयोजित करण्यात आलेल्या कार्यक्रमात श्री. प्रभुैदेसाई प्रमुख पाहुणे या नात्याने बोलत होते.
आयडियल हायस्कूलच्या डॉ. राममनोहर लोहिया सभागृहात आयोजित या कार्यक्रमाला पंच सदस्या शर्मिला वालावलकर, ॲड. अजय प्रभूगावकर, गोमंतक मराठी अकादमी डिचोली प्रभागचे अध्यक्ष सोमनाथ पिळगावकर, आयडियलचे संस्थापक रामचंद्र गर्दे, मुख्याध्यापक ज्ञानेश्र्वर गावकर आदी मान्यवरांची उपस्थिती होती.
यावेळी नृत्य, नाटिका, कविता, वेशभूषा, गीत, तबला वादन आदी सांस्कृतिक कार्यक्रम सादर करण्यात आले. तसेच शिक्षकांचा आणि विद्यार्थ्यांचा गौरव करण्यात आला. प्रास्ताविक सोमनाथ पिळगावकर यांनी केले. शर्मिला वालावलकर, ॲड. अजय प्रभुगांवकर, रामचंद्र गर्दे यांनी मनोगत व्यक्त केले.सूत्रसंचालन संजना पाळणी यांनी केले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.